নেশ্যনেল ডেস্ক,৩ নৱেম্বৰ : দেশজুৰি গুজৰাটৰ বিধানসভা নিৰ্বাচনক লৈ বিশেষ চৰ্চা অব্যাহত আছে । জানিব পৰা মতে বৃহস্পতিবাৰে গুজৰাট বিধানসভা নিৰ্বাচনৰ দিন ঘোষণা কৰাৰ সম্ভাৱনা আছে (ECI may declare Gujarat assembly election dates)। নিৰ্বাচন আয়োগে বৃহস্পতিবাৰে দুপৰীয়া ১২ বজাত সংবাদমেল সম্বোধন কৰি গুজৰাট নিৰ্বাচনৰ সময়সূচী প্ৰকাশ কৰাৰ সম্ভাৱনা আছে ।
যোৱা এসপ্তাহ ধৰি গুজৰাটৰ নিৰ্বাচনৰ দিন ঘোষণাক লৈ ব্যাপক কৌতূহলে বিৰাজ কৰিছে । চৰ্দাৰ পেটেলৰ জন্ম জয়ন্তীৰ পাছতে নিৰ্বাচনৰ সময়সূচী ঘোষণা কৰা হ'ব বুলি আশা কৰা হৈছিল । অৱশ্যে, দেওবাৰে মৰ্বি দলঙৰ মৰ্মান্তিক দুৰ্ঘটনাক লৈ ৰাজ্যজুৰি শোকাকুল পৰিৱেশে বিৰাজ কৰিছে (Gujarat Bridge Collapse)। যাৰ বাবে সম্ভৱত নিৰ্বাচনৰ সময়সূচী ঘোষণা কৰা নহ'ল । অৱশ্যে বৃহস্পতিবাৰে নিৰ্বাচনৰ সময়সূচী ঘোষণা কৰাৰ পূৰ্ণ সম্ভাৱনা দেখা গৈছে ।
উল্লেখ্য যে ৮ ডিচেম্বৰত হিমাচল প্ৰদেশৰ বিধানসভা নিৰ্বাচনৰ ভোটগণনা অনুষ্ঠিত হ'ব (Himachal assembly election 2022)। সেয়ে উক্ত দিনাই গুজৰাটৰো ভোটগণনা অনুষ্ঠিত হোৱাৰ সম্ভাৱনা আছে । কিয়নো দুখন ৰাজ্যৰ নিৰ্বাচনৰ ফলাফল একেলগে প্ৰকাশ হোৱাৰ সম্পূৰ্ণ সম্ভাৱনা আছে ।