Israel India relationship : ইজৰাইলৰ প্ৰতি সমৰ্থন দেখুওৱা ভাৰতীয়লৈ কৃতজ্ঞতা ভাৰতস্থিত ইজৰাইলী ৰাষ্ট্ৰদূতৰ

ভাৰতত থকা ইজৰাইলৰ ৰাষ্ট্ৰদূত নাওৰ গিলনে ইজৰাইলৰ প্ৰতি সংহতি দেখুওৱা ভাৰতীয়সকললৈ কৃতজ্ঞতা জ্ঞাপন কৰে । শনিবাৰে ভাৰত-পাকিস্তানৰ মাজত উত্তেজনাপূৰ্ণ মেচ চলি থকাৰ সময়ত ভাৰতীয়সকলে ইজৰাইলৰ সমৰ্থনত পোষ্টাৰ প্ৰদৰ্শন কৰিছিল ৷

নেশ্যনেল ডেস্ক, 15 অক্টোবৰ: শনিবাৰে বিশ্বকাপ ক্ৰিকেটত ভাৰত-পাকিস্তানৰ মাজত চলি থকা উত্তেজনাময় খেলখনৰ সময়ত ইজৰাইলৰ প্ৰতি দেখুওৱা সংহতি বাবে ভাৰতক কৃতজ্ঞতা জনায় ভাৰতত থকা ইজৰাইলৰ ৰাষ্ট্ৰদূত নাওৰ গিলনে ।

গিলনে তেওঁলোকৰ প্ৰধান প্ৰতিদ্বন্দ্বী দলৰ বিৰুদ্ধে ভাৰতে জয় লাভ কৰাত আনন্দ প্ৰকাশ কৰে । গিলনে X যোগে উল্লেখ কৰে, "#CWC23 ত #INDvsPAKমেচত #India বিজয়ী হোৱাত আমি সুখী আৰু পাকিস্তানে নিজৰ জয় হামাছৰ সন্ত্ৰাসবাদীৰ নামত উৎসৰ্গিত কৰিব নোৱাৰিলে । মেচৰ সময়ত ভাৰতীয় বন্ধুসকলে পোষ্টাৰ প্ৰদৰ্শন কৰি ইজৰাইলৰ সৈতে সংহতি প্ৰদৰ্শন কৰা কাৰ্যই আমাক সঁচাকৈয়ে আপ্লুত কৰিছিল ।"

প্ৰথম ইনিংছত পাকিস্তানে মুঠ 191 ৰান সংগ্ৰহ কৰে যিটো ৰোহিত শৰ্মাৰ শক্তিশালী 86 আৰু শ্ৰেয়াছ আয়াৰৰ অপৰাজেয় ক্লাছিক 53ৰ পিচত ভাৰতীয় দলৰ বিজয় সহজ হৈ পৰিছিল । ইয়াৰ পূৰ্বে পাকিস্তানৰ ক্ৰিকেটাৰ মহম্মদ ৰিজৱানে শেহতীয়া শ্ৰীলংকাৰ বিৰুদ্ধে পাকিস্তানৰ জয় গাজাৰ জনসাধাৰণৰ বাবে উৎসৰ্গা কৰিছিল । বুধবাৰে ৰিজৱানে টুইট কৰি কয় , "এই বিজয় গাজাৰ ভাই-ভনীসকলৰ নামত উৎসৰ্গিত ।"

ইয়াৰ পূৰ্বে ইজৰাইলৰ প্ৰধানমন্ত্ৰী বেঞ্জামিন নেতান্যাহুৱে কয় যে তেওঁৰ দেশখনে শত্ৰুৱে সংঘটিত কৰা “ভয়ংকৰ কাৰ্য” কেতিয়াও পাহৰিব নোৱাৰে আৰু ক্ষমা নকৰে । তেওঁ দৃঢ়তাৰে কয় যে ইজৰাইলে ইয়াৰ মূল্য দিবলৈ আৰম্ভ কৰা শত্ৰুসকলক “অভূতপূৰ্ব শক্তি”ৰে আঘাত কৰিছে ।

শুকুৰবাৰে টেল আভিভৰ কিৰিয়াত নিৰাপত্তা মূল্যায়নৰ অন্তত দিয়া ভাষণত নেতান্যাহুৱে কয়, "আমি সকলোৱে সংগঠিত হৈছো । আমি সকলোৱে একত্ৰিত । যন্ত্ৰণা আৰু দুখৰ এই অন্ধকাৰ দিনবোৰত আমাৰ জনসাধাৰণৰ বীৰত্বপূৰ্ণ কাৰ্যৰ কাহিনী । আমি কেতিয়াও পাহৰিব নোৱাৰো আমাৰ শত্ৰুৱে সংঘটিত কৰা ভয়ংকৰ কাৰ্য আৰু আমি কেতিয়াও ক্ষমা নকৰো ।"

লগতে পঢ়ক:Israel Hamas War : গাজা ষ্ট্ৰিপত ইজৰাইলে নিক্ষেপ কৰিছে ৬০০০ বোমা