Operation Gold Dawn: ডি আৰ আইৰ অভিযানত ১০১.৭ কেজি সোণ উদ্ধাৰ

দেশৰ ভিন্ন প্ৰান্তত ডি আৰ আইৰ অপাৰেচন গোল্ড ড’নৰ অধীনত বিদেশত সোণৰ যোগান ধৰা চুডানৰ ছিণ্ডিকেটৰ বিৰুদ্ধে অভিযান তীব্ৰতৰ হৈ উঠিছে ৷ এই অভিযানত বিহাৰ আৰু মহাৰাষ্ট্ৰৰ পৰা প্ৰায় ৫১ কোটি টকাৰ ১০১.৭ কেজি সোণ উদ্ধাৰ কৰা হৈছে (DRI recovered more than 1 quintal gold)।

নেশ্যনেল ডেস্ক, 21 ফেব্ৰুৱাৰী:দেশক প্ৰতাৰণা কৰি বিদেশত সোণৰ যোগান ধৰা চুডানৰ ছিণ্ডিকেট ডি আৰ আইয়ে বন্ধ কৰি দিছে । ডি আৰ আইৰ (Directorate of Revenue Intelligence) দ্বাৰা পৰিচালিত বিশেষ অভিযান ‘অপাৰেচন গোল্ড ড’নত প্ৰায় ৫১ কোটি টকাৰ ১০১.৭ কেজি সোণ উদ্ধাৰ কৰা হৈছে (DRI recovered more than 1 quintal gold)।

ধৰা পৰা ১০ জন সৰবৰাহকাৰীৰ ভিতৰত ৭ জন সৰবৰাহকাৰী চুডানৰ নাগৰিক (10 Smuggler arrested) । আনহাতে তিনিজন ভাৰতীয় জড়িত হৈ আছে । বিহাৰৰ পাটনা আৰু মহাৰাষ্ট্ৰৰ দুখন চহৰত এই অভিযান চলাইছিল ডি আৰ আইয়ে । এই সন্দৰ্ভত এতিয়াও অহা নাই ডি আৰ আইৰ বক্তব্য ।

উল্লেখ্য যে, ৰাজহ চোৰাংচোৱা সঞ্চালকালয়ৰ অপাৰেচন গোল্ড ড’ন (Operation Gold Dawn) পান ইণ্ডিয়াৰ অধীনত গ্ৰহণ কৰা ব্যৱস্থাত এক বৃহৎ তথ্য পোহৰলৈ আহিছে । মুম্বাইৰ পুনেৰ পাটনাত এই অভিযান চলোৱা হৈছিল । ভাৰত-নেপাল সীমান্তৰে পাটনালৈ আহিছিল সৰবৰাহকাৰী । তাৰ পিচত বিমান আৰু ৰেলৰ জৰিয়তে সৰবৰাহ কৰিছিল । ৩৭ কেজি সোণৰ পেষ্টসহ পাটনাত আটক ৩ চুডানৰ নাগৰিক ।

এই সৰবৰাহকাৰীসকলে পাটনা জংচনৰ পৰা মুম্বাইলৈ যোৱা ৰেলখন ধৰিবলৈ ওলাইছিল । সেইবাবেই তেওঁলোক ডি আৰ আইৰ লক্ষ্যৰ অধীনলৈ আহিল । ইয়াৰে ৩ জন চুডানৰ নাগৰিক । তেওঁলোকৰ পৰা ৪০ টা পেকেটত ৩৭ কেজি সোণৰ পেষ্ট উদ্ধাৰ কৰা হৈছে । ৭৪ লাখ বিদেশী মুদ্ৰা আৰু ৬৩ লাখ ভাৰতীয় মুদ্ৰাও উদ্ধাৰ কৰা হৈছে । এই কাৰ্যৰ বাবেই সমগ্ৰ দেশতে আলোড়নৰ সৃষ্টি হৈছে । এই পৰ্যন্ত চলোৱা অভিযানত উদ্ধাৰ হৈছে ১০১.৭ কেজি সোণ ।

আগতে, এই সৰবৰাহকাৰীসকলে ভাৰত-নেপাল সীমান্তত সোণ লৈ সহজে প্ৰৱেশ কৰিছিল । এই সৰবৰাহকাৰীসকল আগতে পাটনা জংচনৰ পৰা ওলাই আহিছিল যদিও ডি আৰ আইৰ তীক্ষ্ণ নজৰত আছিল । এই গোচৰত মুঠ ১০ জন লোকক গ্ৰেপ্তাৰ কৰা হৈছে । য’ত ৭ জন চুডানৰ নাগৰিক আছে । ইয়াৰে ৩ জনক গ্ৰেপ্তাৰ কৰা হৈছে পাটনাত । বাকী বিদেশী সৰবৰাহকাৰীক বিভিন্ন স্থানৰ পৰা গ্ৰেপ্তাৰ কৰা হৈছে ।

লগতে পঢ়ক:ED raids in Chhattisgarh: কংগ্ৰেছে ইডিৰ অভিযানলৈ ভয় নকৰে; কে চি বেণুগোপাল