এপ্ৰিল মাহত দেশত বিমান যাত্ৰা কৰা লোকৰ সংখ্যা 63.3 শতাংশ হ্ৰাস

ডিজিচিএ (DGCA) য়ে প্ৰকাশ কৰা প্ৰতিবেদনত দেখা গৈছে যে বেচৰকাৰী এয়াৰলাইন্স স্পাইচ জেটত মে’ মাহত সৰ্বাধিক 64.0 শতাংশ লোকে যাতায়ত কৰে ৷

নিউজ ডেস্ক, 17 জুন :ক’ভিড 19 ৰ দ্বিতীয় ঢৌ বৃদ্ধিৰ ফলত ৰাজ্যজুৰি এয়াৰলাইন্সৰ যাত্ৰীৰ ভাড়া বৃদ্ধি পোৱা ফলত এপ্ৰিল মাহত দেশৰ ভিতৰত যাত্ৰা কৰা লোকৰ সংখ্যা 63.3 শতাংশ হ্ৰাস পাইছে ৷ দেশৰ ভিতৰত যাত্ৰা কৰা লোক সংখ্যা 57 লাখৰ পৰা 21 লাখলৈ হ্ৰাস পাইছে ৷ বৃহস্পতিবাৰে ডিজিচিএ (DGCA) য়ে প্ৰকাশ কৰা এক প্ৰতিবেদনত প্ৰকাশ পাইছে এই তথ্য ৷ ডিজিচিএ (DGCA) য়ে প্ৰকাশ কৰা প্ৰতিবেদনত দেখা গৈছে যে বেচৰকাৰী এয়াৰলাইন্স স্পাইচ জেটত মে’ মাহত সৰ্বাধিক 64.0 শতাংশ লোকে যাতায়ত কৰে ৷ গো ফাৰ্ষ্টত 64.0 শতাংশ, ইণ্ডিগ’তে 51.2 শতাংশ আৰু এয়াৰ এছিয়াত 44.4 শতাংশ যাত্ৰীয়ে যাতায়ত কৰিছিল । আনহাতে মে’ মাহত, নির্ধাৰিত অভ্যন্তৰীণ বিমান সংস্থা মুঠ 338 জন যাত্ৰী সন্দৰ্ভত অভিযোগ পোৱা হৈছিল ৷

ডিজিচিএ প্ৰকাশ কৰা তথ্য অনুসৰি অভিযোগৰ প্ৰধান কাৰণ আছিল ধনৰাশি পুনৰ ঘূৰাই দিয়া সম্পৰ্কীয় । এয়াৰলাইন্সে লাভ কৰা 338 টা অভিযোগৰ 183 টা অভিযোগ সমাধান কৰা হৈছে । তদুপৰি এই সময়ছোৱাত ইণ্ডিগ’ এয়াৰলাইন্সৰ ব্যৱসায় আন এয়াৰলাইন্সতকে উন্নত আছিল ৷ ইণ্ডিগ’ৱে শ্বেয়াৰ বজাৰত সৰ্বাধিক 55.3 শতাংশ আছিল ৷ আনহাতে, এপ্ৰিলত ইণ্ডিগ’ৱে 53.9 শতাংশ ব্যৱসায় কৰিছিল ৷

লগতে পঢ়ক :ভাৰত শান্তিৰ পূজাৰী যদিও অনুপ্ৰৱেশ সহ্য নকৰে: ৰাজনাথ সিং