সুস্বাস্থ্যৰ বাবে ভাল নিদ্ৰা গ্ৰহণ কৰাটো অতি প্ৰয়োজনীয় । কিন্তু ব্যস্ততাৰে ভৰা এই জীৱনত এজন ব্যক্তিয়ে ভাল টোপনিৰ পৰা প্ৰায়েই বঞ্চিত হ’বলগীয়া হয় । এনে পৰিস্থিতিত যদি ৰাতিৰ আহাৰ খোৱাৰ পিছত কিছু যোগাসন কৰা হয়, তেন্তে ব্যক্তিজনে ভাল টোপনি লাভ কৰিব পাৰে । হয়, আজিৰ প্ৰতিবেদন এই বিষয়ৰ ওপৰতেই । আজি এই লেখাটোৰ জৰিয়তে আমি আপোনালোকক জনাম কোনটো যোগাসন ভাল টোপনিৰ বাবে অতি উপযোগী হ’ব পাৰে ।
যোগ নিদ্ৰা
যিদৰে নামটোৰ পৰাই জনা যায় । এই যোগাসন নিদ্ৰাৰ বাবে অতি উপযোগী । খাদ্য খোৱাৰ প্ৰায় ১ ঘণ্টাৰ পিছত এই যোগাসন কৰিব পাৰে । নিয়মীয়া অনুশীলনৰ দ্বাৰা আপুনি ভাল টোপনি গ্ৰহণ কৰিব পাৰে । এই যোগাসন কৰিবলৈ প্ৰথমে শৱাসনত বিচনাত শুব লাগে । এতিয়া দীঘলীয়াকৈ গভীৰ উশাহ লৈ থাকিব আৰু গোটেই শৰীৰটো ৰিলেক্স মোডত ৰাখিব । আপুনি অনুভৱ কৰিব যে আপোনাৰ মনটো শান্ত হৈ আহিছে । এতিয়া ভৰি দুখন মূৰৰ ফালে লৈ শৰীৰৰ এটা অংশত মনোযোগ কেন্দ্ৰীভূত কৰক । এনে কৰিলে সকলো চিন্তা অলপ সময়ৰ ভিতৰতে নাইকিয়া হৈ যাব আৰু আপুনি গভীৰ টোপনি গ্ৰহণ কৰিব পাৰিব ।