নেশ্যনেল ডেস্ক,18 জানুৱাৰী : মধ্যপ্ৰদেশৰ প্ৰাক্তন মুখ্যমন্ত্ৰী তথা কংগ্ৰেছ নেতা দিগ্বিজয় সিঙে সোমবাৰে অযোধ্যাত নিৰ্মাণ হ’বলগীয়া ৰাম মন্দিৰৰ বাবে বৰঙণি হিচাপে দান কৰে 1.11 লাখ টকা ৷
কংগ্ৰেছ নেতা গৰাকীয়ে প্ৰধানমন্ত্ৰী মোদীৰ সাহাৰ্য পুঁজি একাউণ্টত এখন চেক প্ৰেৰণ কৰি কয় যে, এই ধনৰাশি সঠিকভাৱে ব্যৱহাৰ কৰাৰ আশা প্ৰকাশ কৰে ৷ এই সন্দৰ্ভত তেওঁ প্ৰধানমন্ত্ৰীলৈ এখন পত্ৰও প্ৰেৰণ কৰে ৷
বিশ্ব হিন্দু পৰিষদে ৰাম মন্দিৰ দান বৰঙণিক লৈ 44 দিনীয়া অভিযান চলোৱাৰ মাজতে আন একাংশই ৰাম মন্দিৰৰ নামত চোৰাংভাৱে হিংসাত্মক উপায় অৱলম্বন কৰি ধন সংগ্ৰহ কৰা বুলি কংগ্ৰেছ নেতা দিগ্বিজয় সিঙে উল্লেখ কৰে ৷ লগতে তেওঁ পুঁজি সংগ্ৰহৰ বাবে হিংসাত্মক উপায় ব্যৱহাৰ কৰি থকা সংগঠনসমূহৰ বিৰোধিতা কৰিবলৈ আহ্বান জনায় ৷
ইয়াৰোপৰি, তেওঁ বিশ্ব হিন্দু পৰিষদক সংগ্ৰহ কৰা পুঁজিৰ ৰেকৰ্ড ৰাজহুৱা কৰাৰ বাবে প্ৰধানমন্ত্ৰী মোদীক নিৰ্দেশ দিবলৈ অনুৰোধ জনায় ৷
লগতে পঢ়ক :প্ৰতিষেধক প্ৰস্তুত কৰি ভাৰতে চীনা ভাইৰাছৰ পৰা মানৱতাক ৰক্ষা কৰিছে : আৰএছএছ নেতা