নেশ্যনেল ডেস্ক,১৭ এপ্ৰিল :বিশ্বজুৰি খ্ৰীষ্টান ধৰ্মাৱলম্বী লোকসকলে পালন কৰিছে ইষ্টাৰ উৎসৱ (Easter celebration in India) । ব্যতিক্ৰম নহয় ভাৰত । ভাৰতৰ কেৰালাৰ কোচিত অগণন দৰ্শনাৰ্থীয়ে ভিৰ কৰে প্ৰতিটো গীৰ্জাঘৰত । ছেইণ্ট মেৰী কেথেড্ৰেল বেচিলিকা গীৰ্জাঘৰত দেখা গৈছে অগণম লোকৰ সমাৱেশ ।
ইষ্টাৰ উপলক্ষ্যে আয়োজিত বিশেষ প্ৰাৰ্থনাত অংশগ্ৰহণ কৰিছে ভক্তসকলে । এশ বছৰীয়া গীৰ্জাঘৰত ভগৱান যীচুৰ ওচৰত প্ৰাৰ্থনা জনাইছে লোকসকলে । ভক্তসকলক সম্বোধন কৰাৰ সময়ত কাৰ্ডিনেল জৰ্জ এলেনচেৰীয়ে বৰ্তমান সময়ত বৃদ্ধি পোৱা হিংসাত্মক ঘটনা, যুদ্ধ, সংঘৰ্ষ আদিৰ বিষয়ে উদ্বিগ্ন প্ৰকাশ কৰে । সকলোকে শত্ৰুতা পৰিহাৰ কৰি শান্তিভাৱে থাকিবলৈ আহ্বান জনায় ।