নেশ্যনেল ডেস্ক, 18 ছেপ্তেম্বৰ : শনিবাৰে দিল্লীৰ ৰাউজ এভিনিউ কোৰ্টে INX মিডিয়া গোচৰত অভিযুক্ত পিটাৰ মুখাৰ্জীৰ জামিন আবেদনৰ শুনানি গ্ৰহণ কৰিব ৷ বিশেষ ন্যায়াধীশ এম কে নাগপালে শুনানি গ্ৰহণ কৰিব এই আবেদনৰ ৷ যোৱা 23 আগষ্টত শুনানিৰ সময়ত পি চিদাম্বৰম আৰু পুত্ৰ কাৰ্তি চিদাম্বৰমৰ লগতে আন্যান্য অভিযুক্তসকল ভিডিঅ’ কনফাৰেঞ্চৰ জৰিয়তে অংশগ্ৰহণ কৰিছিল ৷
24 জুলাইত পি চিদাম্বৰম আৰু পুত্ৰ কাৰ্তি চিদাম্বৰমক এই গোচৰৰ সৈতে জড়িত নথি-পত্ৰ প্ৰতিলিপি আদালতত জমা দিবলৈ নিৰ্দেশ দিয়া হৈছিল ৷ যোৱা 24 মাৰ্চত আদালতে ED ৰ দ্বাৰা দাখিল কৰা চাৰ্জশ্বীটৰ ওপৰত গুৰুত্ব আৰোপ কৰি আটাইকেইগৰাকী অভিযুক্তলৈ চমন জাৰি কৰিছিল ৷ আদালতে মানি লণ্ডাৰিং আইনৰ ধাৰা 3 আৰু 70 ৰ অধীনত চাৰ্জশ্বীটৰ ওপৰত গুৰুত্ব আৰোপ কৰিছিল ৷