'জীৱন ৰক্ষক' নামেৰে ডিজিটেল ডাটা বেংক স্থাপন দিল্লী আৰক্ষীৰ

দিল্লী আৰক্ষীৰ বিশেষ পদক্ষেপ ৷ স্থাপন কৰিলে 'জীৱন ৰক্ষক' নামেৰে ডিজিটেল ডাটা বেংক । প্লাজমা দাতাসকলৰ প্লাজমা দানৰ উদ্দেশ্যেৰে এই ডিজিটেল ডাটা বেংক স্থাপন দিল্লী আৰক্ষীৰ ।

নেশ্যনেল ডেস্ক, ২৫ এপ্ৰিল: দেশৰ লগতে দেশৰ ৰাজধানী দিল্লীতো ভয়াবহ ৰূপ ধাৰণ কৰিছে মহমাৰী কৰ'ণাই ৷ ইয়াৰ বাবে দিল্লী আৰক্ষীয়ে গ্ৰহণ কৰিছে এক প্ৰশংসনীয় পদক্ষেপ । প্লাজমা দাতাসকল আৰু যিসকল লোকক প্লাজমাৰ প্ৰয়োজন সেইসকলৰ বাবে ডিজিটেল ডাটা বেংক স্থাপন কৰিছে দিল্লী আৰক্ষীয়ে । 'জীৱন ৰক্ষক' নামেৰে স্থাপন কৰিছে ডিজিটেল ডাটা বেংকটো । প্লাজমাৰ প্ৰয়োজন হোৱা ব্যক্তিসকলে অনলাইনযোগে পঞ্জীয়ন কৰিব পাৰিব । ইয়াৰ বাবে পঞ্জীয়নৰ লিংকটো দিল্লী আৰক্ষীৰ অফিচিয়েল ৱেবছাইটত উপলব্ধ হ'ব ।

দিল্লী আৰক্ষীৰ বিবৃতি অনুসৰি, সাম্ভাব্য দাতাই নাম, বয়স, লিংগ, বৈবাহিক স্থিতি, আনুসাংগিক ৰোগ, সম্পৰ্ক, অৱস্থান, তেজৰ গোট, কৰ'ণাৰ পৰা আৰোগ্য হোৱাৰ তাৰিখ আদিৰ বিৱৰণ দিব লাগিব । এই সকলোবোৰ তথ্য দিল্লী আৰক্ষীৰ তত্বাৱধানত থাকিব ।

লগতে পঢ়ক: এভাৰেষ্ট অভিযানৰ বাবে নেপালৰ অভিলেখ সংখ্যক অনুমতি