নেশ্যনেল ডেস্ক, ২৩ মে':দিল্লীত পুনৰ এসপ্তাহলৈ বৃদ্ধি কৰা হ'ল লকডাউন । দেওবাৰে মুখ্যমন্ত্ৰী অৰবিন্দ কেজৰিৱালে ঘোষণা কৰা মতে যদি কৰ'ণা আক্ৰান্তৰ সংখ্যা হ্ৰাস পোৱাৰ ধাৰা অব্যাহত থাকে তেনেহ'লে অহা ৩১ মে'ৰ পৰা আৰম্ভ হ'ব আনলক প্ৰক্ৰিয়া ।
এক সংবাদমেল সম্বোধন কৰি কেজৰিৱালে কয় যে ৰাজ্যত আক্ৰান্তৰ হাৰ ২.৫ শতাংশলৈ হ্ৰাস পাইছে, যিহেতু যোৱা ২৪ ঘণ্টাত মাত্ৰ ১,৬০০ টা নতুন ঘটনা পোহৰলৈ আহিছে । যাৰ বাবে ৩১ মে' পুৱা ৫ বজালৈ লকডাউনৰ সময়সীমা বৃদ্ধি কৰা হৈছে । তেওঁ লগতে কয় যে আনলক প্ৰক্ৰিয়াত সকলোবোৰ একেলগে খুলি নিদিয়ে । পৰ্যায়ক্ৰমেহে সকলো মুকলি কৰা হ'ব ।