নেশ্যনেল ডেস্ক,28 ডিচেম্বৰ : মেহবুবা মুফ্টী, আব্দুল্লা আৰু তেওঁৰ পুত্ৰসকলৰ বাবে জম্মু-কাশ্মীৰৰ শেহতীয়া জিলা উন্নয়ন পৰিষদৰ নিৰ্বাচন আছিল এক বিদায় অনুষ্ঠান ৷ দেওবাৰে বিজেপিৰ প্ৰবক্তা তৰুণ চুঘে এই কথা উল্লেখ কৰে ৷
শ্ৰীনগৰত আয়োজিত নৱনিৰ্বাচিত ডিডিচি প্ৰাৰ্থী পঞ্চ আৰু চৰপঞ্চৰ সম্বৰ্ধনা অনুষ্ঠানত চুঘে কয় যে, তেওঁ ৰাজ্যৰ বৰ্তমানৰ বিজেপি গোটৰ পৰা জম্মু-কাশ্মীৰৰ বাবে ভৱিষ্যতৰ এজন মুখ্যমন্ত্ৰী প্ৰত্যক্ষ কৰিছে ৷
লগতে তেওঁ কয় যে, ডিডিচি নিৰ্বাচনত মুফ্টী আৰু আব্দুল্লাৰ দলৰ বিজয়ী প্ৰাৰ্থীসকলেও তেওঁলোকৰ পৰা আঁতৰত আহিছে । যেতিয়া নিৰ্বাচনৰ দিন ঘোষণা কৰা হৈছিল, তেওঁলোকে কৈছিল যে কোনো সমূদায়ে ভোটদান কৰিবলৈ ওলাই নাহে ৷ এতিয়া গুপকাৰৰ সকলো কঁপি আছে ৷
চুঘে অভিযোগ উত্থাপন কৰি কয় যে, পিপলছ এলায়েন্স ফ’ৰ গুপকাৰ ডিক্লেয়াৰেশ্যন চমুকৈ PAGD দলটো পুৰণি সদস্যৰ দ্বাৰা গঠিত হয় ৷ তেওঁলোকৰ উদ্দেশ্য আছিল বিজেপি দলক প্ৰতিহত কৰা ৷ অৰ্থাৎ বিজেপিক জম্মু-কাশ্মীৰৰ পৰা মষিমূৰ কৰা আৰু জম্মু-কাশ্মীৰৰ বিকাশত বাধা প্ৰদান কৰা ৷
