স্পৰ্টছ ডেস্ক, 2 অক্টোবৰ : ২০২৩ চনৰ ১৭ ছেপ্টেম্বৰত কলম্বোত ভাৰত আৰু শ্ৰীলংকাৰ মাজত এছিয়া কাপৰ ফাইনেল খেল অনুষ্ঠিত হয় ৷ শ্ৰীলংকাৰ বেটছমেনসকলে ভাৰতীয় পেচাৰ মহম্মদ চিৰাজৰ যাদুকৰী স্পেলৰ বলি হৈছিল আৰু দলটো ৫০ ৰাণত অল আউট হৈছিল ৷ মাত্ৰ ১২ ৰাণৰ ভিতৰত 6 জন শ্ৰীলংকান বেটছমেন পেভিলিয়নলৈ উভতি আহিছিল ৷ ক্ৰিকেটৰ ইতিহাসত এই স্ক’ৰৰ পিছত দল এটাই কিমানবাৰ কামবেক কৰিবলৈ সক্ষম হৈছে সেই সংখ্যা আঙুলিত গণনা কৰিব পাৰি আৰু এনে পৰিস্থিতিৰ পিছত কোনো দলে মেচত জয়ী হোৱাৰ কাহিনী আৰু কম ।
এতিয়ালৈকে ১২খন এদিনীয়া বিশ্বকাপ অনুষ্ঠিত হৈছে আৰু বিশ্বকাপত এইটো মাত্ৰ এবাৰহে হৈছে যদিও সেই খেলখনৰ কোনো ভিডিঅ’ উপলব্ধ নাই ৷
এনে সুযোগ আহিছিল ৪০ বছৰ পূৰ্বে -
১৯৮৩ চনৰ ২০ মাৰ্চত ক্ৰিকেট বিশ্বকাপৰ তৃতীয় সংস্কৰণ অনুষ্ঠিত হৈছিল ৷ য’ত ভাৰত জয়ী হৈছিল । দলটোৱে ৱেষ্ট ইণ্ডিজৰ আধিপত্যক প্ৰত্যাহ্বান জনোৱাই নহয়, বিশ্বকাপ জয়ৰ হেট্ৰিক অৰ্জন কৰাৰ সপোনকো চূৰমাৰ কৰে ৷ টানব্ৰিজ ওৱেলছত কপিল দেৱে খেলা ইনিংছটো ক্ৰিকেট ইতিহাসৰ অন্যতম শ্ৰেষ্ঠ ইনিংছ ৷ কিন্তু বিড়ম্বনাৰ কথাটো হ’ল এই ইনিংছটোৰ বিষয়ে কেৱল কাহিনীহে ক’ব পাৰি আৰু ইয়াৰ কোনো ভিডিঅ’ প্ৰমাণ নাই ৷
১৯৮৩ চনৰ বিশ্বকাপৰ ২০ সংখ্যক খেলখন ভাৰত আৰু জিম্বাব’ৱেৰ মাজত অনুষ্ঠিত হৈছিল । অধিনায়ক কপিল দেৱে টছত জয়লাভ কৰি বেটিঙৰ সিদ্ধান্ত লয় আৰু ভাৰতৰ অ’পেনাৰ সুনীল গাভাস্কাৰ আৰু কৃষ্ণমূছাৰী শ্ৰীকান্তে ইনিংছ আৰম্ভ কৰে । কিন্তু ইয়াৰ পিছত কি হৈছিল সেয়া ইতিহাসৰ পৃষ্ঠাত লিপিবদ্ধ হৈ আছে ।
অধিনায়কজনে গা ধুই থকাৰ সময়তে দলটোৰ আধা সংখ্যক বেটছমেন পেভিলিয়নমুখী হৈছিল ৷ কপিল দেৱে ছয় নম্বৰত বেটিং কৰিছিল । সেইবাবেই টছত জয়ী হোৱাৰ পিছত বেটিঙৰ সিদ্ধান্ত লৈ কপিল দেৱে গা ধুবলৈ গ’ল যদিও গা ধুই থকাৰ সময়তে আধা সংখ্যক বেটছমেনেই পেভিলিয়নলৈ ঘূৰি আহিব বুলি তেওঁ ভবা নাছিল ।
সুনীল গাভাস্কাৰ প্ৰথম অভাৰতই কোনো ৰাণ নকৰাকৈ আউট হৈছিল আৰু তাৰ পিছত, শ্ৰীকান্তে কোনো ৰাণ নকৰাকৈ পেভিলিয়নলৈ উভতি আহিছিল । দুয়োজন অপেনাৰ সহজেই আউট হোৱাৰ পিছত, দলক আগুৱাই নিয়াৰ দায়িত্ব মহিন্দৰ অমৰনাথ আৰু সন্দীপ পাটিলৰ কান্ধত আছিল ৷ তেওঁলোক দুয়োজনে তেওঁলোকৰ নিজৰ বেটিং আৰম্ভ কৰিছিল যদিও, কিছু সময়ৰ ভিতৰতে অমৰনাথ ৫ ৰাণ সংগ্ৰহ কৰি আউট হৈছিল আৰু সন্দীপ পাটিল এক ৰাণত আউট হৈছিল ৷
সেইদিনা জিম্বাবুৱেৰ বলাৰ পিটাৰ ৰ’ছন আৰু কেভিন কাৰানে বিধ্বংসী ৰূপ ধাৰণ কৰে । কপিল দেৱে গা ধুই থকাৰ সময়লৈকে ভাৰতীয় দলটোৰ আধা সংখ্যক বেটছমেন পেভিলিয়নমুখী হৈছিল ৷
কপিল দেৱ আৰু ৰজাৰ বিনিৰ পাৰ্টনাৰশ্বিপ-
১৭ ৰানত ৫ উইকেট হেৰুওৱাৰ পিছত কপিল দেৱে অল ৰাউণ্ডাৰ ৰ’জাৰ বিনিৰ সৈতে সতৰ্কতাৰে খেলিবলৈ আৰম্ভ কৰে ৷ ষষ্ঠ উইকেটত এই যুটিটোৱে ৬০ ৰাণ সংযোজন কৰাৰ পাছত ৰ’জাৰ বিনিয়ে উইকেট বিসৰ্জন দিয়ে । বৰ্তমান বিচিচিআইৰ সভাপতি বিনিয়ে ২২ ৰাণ সংগ্ৰহ কৰে ৷ এই সময়ত ভাৰতে ৬ উইকেটত ৭৭ ৰান সংগ্ৰহ কৰিছিল । দলটোৰ অৱস্থা অধিক বেয়া হৈ পৰে যেতিয়া অল ৰাউণ্ডাৰ ৰবি শাস্ত্ৰীয়ে মাত্ৰ এক ৰাণ সংগ্ৰহ কৰি পেভিলিয়নমুখী হয় ৷ সেই সময়ত ভাৰতে ৭ টা উইকেটত ৭৮ ৰাণ সংগ্ৰহ কৰি বেকফুটত থাকে ৷
কপিলৰ যাদুকৰী ইনিংছ-
এই সময়ত ভাৰতে ১০০ ৰাণো সংগ্ৰহ কৰিব নোৱাৰিব বুলি ধাৰণা কৰা হৈছিল ৷ অৱশ্যে অধিনায়ক কপিল দেৱৰ ধাৰণা বেলেগ । বেগী বলাৰ মদন লালৰ সৈতে কপিল দেৱে দলটোৰ স্ক’ৰ ১০০ ৰাণৰ ওপৰলৈ লৈ যায় । ইয়াৰ পূৰ্বে এদিনীয়া ৬০ অভাৰৰ আছিল আৰু ৩৫ অভাৰৰ পিছত দুপৰীয়াৰ আহাৰ গ্ৰহণ কৰা হৈছিল ৷ দুপৰীয়াৰ আহাৰ গ্ৰহণৰ সময়লৈকে কপিলে অৰ্ধ শতক সম্পূৰ্ণ কৰে য’ত এটাও বাউণ্ডেৰী নাছিল ৷
কপিল দেৱে দুপৰীয়াৰ আহাৰৰ সময়ত মাত্ৰ দুগিলাচ ফলৰ ৰস খাইছিল আৰু ক্ৰীজলৈ ঘূৰি আহিছিল ৷ মদন লাল ১৭ ৰাণ সংগ্ৰহ কৰাৰ পিছত আউট হৈছিল, কিন্তু তেওঁ অধিনায়কক সমৰ্থন কৰিছিল আৰু ভাৰতৰ স্ক'ৰ আছিল ১৪০ ৷ ইয়াৰ পিছত, উইকেট-ৰক্ষক চৈয়দ কিৰমানিয়ে কপিল দেৱৰ সৈতে যুটী বান্ধে ৷ কপিল দেৱে চৈয়দ কিৰমানিৰ সৈতে দলটোৰ স্ক'ৰ ৬০ অভাৰত ২৬৬ ৰাণলৈ লৈ গৈছিল ৷ কিৰমানিয়ে ৫৬ টা বলত ২৪ ৰাণ কৰি অপৰাজিত হৈ আছিল আৰু কপিল দেৱে ১৩৮ টা বলত অপৰাজিত ১৭৫ ৰাণ সংগ্ৰহ কৰিছিল ৷
সেইদিনা হাৰিকেন আহিছিল-
কপিল দেৱক 'হাৰিয়ানা হাৰিকেন' বুলি জনা যায় আৰু সেইদিনা ক্ৰিকেট জগতে জানিব পাৰিছিল যে তেওঁক কিয় এই উপনাম দিয়া হৈছিল ৷ খেলপথাৰত থকা দৰ্শক বা খেলুৱৈসকলে প্ৰকৃততে ধুমুহা দেখিছিল ৷ কপিল দেৱে ১৬ টা বাউণ্ডেৰী আৰু 6 টা ছয় মাৰিছিল । তেওঁ অৰ্ধশতক অৰ্জন কৰাৰ পিছত ব্লিটজক্ৰিগ আৰম্ভ হৈছিল ৷
১৭ ৰাণত আধা দল আৰু ৭৮ ৰাণত ৭ উইকেট হেৰুৱাই এটা সময় আহিল যেতিয়া ভাৰতীয় খেলুৱৈসকলে খেলখন চোৱা নাছিল ৷ কিন্তু যেতিয়া খেলপথাৰত ‘হাৰিয়ানা হাৰিকেন’ নামিল তেতিয়া চাৰি আৰু ছয়ৰ বৰষুণ আৰম্ভ হ’ল ৷ খেলুৱৈসকলে ড্ৰেছিং ৰুমত নিজৰ আসনত বহিছিল আৰু ইনিংছ শেষ নোহোৱালৈকে কোনেও লৰচৰ কৰা নাছিল । চৈয়দ কিৰমানিৰ সৈতে কপিল দেৱে ৭ অভাৰত ১০০ ৰাণ সংগ্ৰহ কৰিছিল ৷ কপিল দেৱে ৫০ নং অভাৰত শতক সম্পূৰ্ণ কৰাৰ পিছত শেষৰ ১০ অভাৰত ৭৫ ৰান সংগ্ৰহ কৰে ৷
বিশ্বকাপৰ ইতিহাসত শ্ৰেষ্ঠ ইনিংছ-
বিশ্বকাপৰ ইতিহাসত যদিও মাৰ্টিন গুপটিল আৰু ক্ৰীছ গেইলৰ দৰে বেটছমেনে ২০০ ৰাণৰ সীমা অতিক্ৰম কৰিছে আৰু আন বহু বেটছমেনে কপিল দেৱৰ স্ক’ৰ অতিক্ৰম কৰিছে, তথাপিও তেওঁৰ ইনিংছ এই সন্মানীয় প্ৰতিযোগিতাখনৰ ইতিহাসত সৰ্বশ্ৰেষ্ঠ ৷ ছয় নম্বৰত ৱাক ইন কৰা কপিল দেৱে ১৭৫ ৰাণত নট আউটৰ বিস্ফোৰক ইনিংছ খেলি দলটোক বিপদৰ পৰা উলিয়াই আনিছিল ৷
বিশ্বকাপত নিউজিলেণ্ডৰ অধিনায়ক গ্লেন টাৰ্নাৰে সৰ্বাধিক ১৭১ ৰাণৰ অভিলেখ গঢ়িছিল । ১৯৭৫ চনৰ বিশ্বকাপত টাৰ্নাৰে অ’পেনিং খেলি ইষ্ট আফ্ৰিকাৰ বিৰুদ্ধে ২০১টা বলত ১৭১ ৰানৰ অপৰাজিত ইনিংছ খেলি ১৬টা চাৰি আৰু ২টা ছয় মাৰিছিল ৷ কপিলে টাৰ্নাৰৰ অভিলেখ ভংগ কৰে, যিটো অৱশেষত ১৯৮৭ চনৰ বিশ্বকাপত ১৮১ ৰাণ সংগ্ৰহ কৰি ভংগ কৰে ৱেষ্ট ইণ্ডিজৰ ভিভ ৰিচাৰ্ডছে ৷
এই ইনিংছৰ কোনো ভিডিঅ’ প্ৰমাণ নাই-
ভাৰতে জিম্বাব’ৱেক ৩১ ৰাণত পৰাস্ত কৰে আৰু কপিল দেৱক তেওঁৰ অসাধাৰণ ইনিংছৰ বাবে মেন অৱ দ্য মেচ হিচাপে নিৰ্বাচিত কৰা হয় ৷ লগতে কপিলে এটা উইকেট দখল কৰি ১১ অভাৰত ৩২ ৰাণ দিয়ে ৷ ষ্টেডিয়ামত উপস্থিত খেলুৱৈ আৰু দৰ্শকসকল আটাইতকৈ ভাগ্যৱান আছিল কাৰণ তেওঁলোকে নিজৰ চকুৰে এনে এক অভিলেখ গঢ়ি তোলা দেখিছিল যিটো বিশ্বই কেতিয়াও দেখা নাপাব ৷ আচলতে ১৯৮৩ চনৰ ২০ মাৰ্চত বিবিচিৰ ধৰ্মঘট হৈছিল আৰু এই মেচখন লাইভ টেলিকাষ্ট কৰিব পৰা নাছিল ৷
লগতে পঢ়ক :Cricket World Cup 2023: ক্ৰিকেট বিশ্বকাপ ২০২৩ৰ পাঁচজন তাৰকা বয়োজ্যেষ্ঠ খেলুৱৈ
