নিউজ ডেস্ক, 30 আগষ্ট : দেশত অব্যাহত আছে কৰ’ণা মহামাৰীৰ দ্বিতীয় ঢৌৰ সংহাৰ ৷ কেন্দ্ৰীয় স্বাস্থ্য মন্ত্ৰণালয়ে সোমবাৰে প্ৰকাশ কৰা অনুসৰি দেওবাৰে পুনৰ দেশত ৪২,৯০৯ গৰাকী লোক ক’ভিডত আক্ৰান্ত হোৱাৰ লগতে ৩৮০ গৰাকীৰ মৃত্যু হৈছে ৷ ইয়াৰ লগতে ভাৰতত আক্ৰান্তৰ সংখ্যা ৩,৭৬,৩২৪ গৰাকী আৰু মৃত্যুৰ সংখ্যা ৪,৩৮,২১০ গৰাকীলৈ বৃদ্ধি পাইছে । আনহাতে কৰ’ণাৰ পৰা আৰোগ্য লাভ কৰিছে 3,19,23,405 গৰাকীয়ে ।
আনহাতে, স্বাস্থ্য মন্ত্ৰণালয়ে প্ৰকাশ কৰা অনুসৰি ২৯ আগষ্টলৈ ভাৰতত ৫২,০১,৪৬,৫২৫ গৰাকীৰ ক’ভিড নমুনা পৰীক্ষা কৰা হৈছে ৷ ইয়াৰে ১৪,১৯,৯৯০ গৰাকীৰ পৰীক্ষণ দেওবাৰে কৰা হৈছিল । মন্ত্ৰণালয়ে প্ৰকাশ কৰা অনুসৰি, এতিয়ালৈকে দেশজুৰি টীকাকৰণ অভিযানৰ অধীনত 63,43,81,358 গৰাকীক ক’ভিড-19 ভেকচিন প্ৰদান কৰা হৈছে ।