নেশ্যনেল ডেস্ক, 22 ছেপ্তেম্বৰ : বিগত 24 ঘণ্টাত ভাৰতত 26,964 টা ক’ভিড 19 ৰ ঘটনা পোহৰলৈ অহিছে ৷ কেন্দ্ৰীয় স্বাস্থ্য মন্ত্ৰালয়ৰ দ্বাৰা বুধবাৰে প্ৰকাশিত স্বাস্থ্য বুলেটিনত এই তথ্য প্ৰকাশ পাইছে ৷ বৰ্তমানলৈকে দেশত সক্ৰিয় ক’ভিড 19 ৰোগীৰ সংখ্যা 3,01,989 গৰাকী ৷ যোৱা 186 দিনৰ তুলনাত এই সংখ্যা সৰ্বনিম্ন ৷
বৰ্তমানলৈকে দেশত কৰ’ণা মহামাৰীত 4,45,768 গৰাকী লোকৰ মৃত্যু হৈছে ৷ ইয়াৰ বিপৰীতে এই মহামাৰীৰ পৰা আৰোগ্য লাভ কৰা ৰোগীৰ সংখ্যা 3,27,83,741 ৷ স্বাস্থ্য মন্ত্ৰালয়ৰ তথ্য অনুসৰি 19 ছেপ্তেম্বৰলৈকে মুঠ 55,67,54,282 টা নমুনা পৰীক্ষা কৰা হৈছে ৷