নিউজ ডেস্ক, ৭ এপ্ৰিল : তেলেংগানা ৰাজ্যিক বিজেপিৰ সভাপতিলৈ সাময়িক সকাহ । প্ৰশ্নকাকত ফাদিল আৰু সেয়া বিয়পাই দিয়াৰ অভিযোগত অভিয়ুক্ত ৰাজ্যিক বিজেপিৰ সভাপতি বান্দি সঞ্জয়ক হনুমানকোন্দাৰ স্থানীয় আদালতে চৰ্তসাপেক্ষে জামিন প্ৰদান কৰে (conditional bail to Telangana BJP chief Bandi Sanjay) । প্ৰথম শ্ৰেণীৰ মুখ্য ন্যায়িক দণ্ডাধীশ আৰ অনিতাৰ এক পৰিপূৰ্ণ আদালতত যুক্তি দাঙি ধৰি সঞ্জয়ৰ অধিবক্তা চি বিদ্যা সাগৰ ৰেড্ডীয়ে সাংসদজনৰ আৰক্ষীৰ জিম্মাৰ দাবীৰ বিৰোধিতা কৰে আৰু আদালতক তেওঁক জামিন প্ৰদান কৰিবলৈ আহ্বান জনায় । উল্লেখ্য, সঞ্জয়ক ৰাজ্যখনৰ এছএছচি পৰীক্ষাৰ হিন্দী প্ৰশ্নকাকত ফাদিল কৰাৰ গোচৰত প্ৰধান অভিযুক্ত কৰা হৈছে (SSC Hindi paper leak accused Bandi Sanjay) ।
আদালতত সঞ্জয়ৰ অধিবক্তাই যুক্তি দিয়ে যে সঞ্জয়ক তেওঁৰ ওপৰত সৰ্বাধিক সাত বছৰৰ শাস্তি আৰোপেৰে অবৈধভাৱে গ্ৰেপ্তাৰ কৰা হৈছিল আৰু তেওঁ প্ৰশ্নকাকত ফাদিল বা প্ৰচাৰ কৰা নাছিল (Telangana SSC Paper Leak Case) । "সঞ্জয়ে পুৱা ১১.২৪ বজাত এটা বাৰ্তা লাভ কৰে আৰু তেওঁ উক্ত বাৰ্তাটো খোলা নাছিল। পৰীক্ষা পুৱা ৯.৩০ বজাতে আৰম্ভ হৈছিল । তেন্তে প্ৰশ্নকাকত ফাদিল হোৱাৰ প্ৰশ্ন ক'ৰ পৰা আহিল ।" সঞ্জয়ৰ অধিবক্তাই যুক্তি দিয়ে ।
লগতে কৰিমনগৰৰ সাংসদজনৰ বেয়া স্বাস্থ্য, পৰিয়ালৰ এজন মৃত সদস্যৰ একাদশ দিনৰ পৰম্পৰাগত অনুষ্ঠানত তেওঁৰ পূৰ্বনিৰ্ধাৰিত অংশগ্ৰহণ আৰু পেৰেড গ্ৰাউণ্ডত প্ৰধানমন্ত্ৰী নৰেন্দ্ৰ মোদীৰ শনিবাৰে অনুষ্ঠিত হ'বলগীয়া সমদলৰ কথাও উল্লেখ কৰে, য'ত তেওঁ দলৰ ৰাজ্যিক সভাপতি হিচাবে উপস্থিত থাকিব লাগিব (Telangana BJP president Bandi Sanjay arrested) ।
অৱশ্যে চৰকাৰী অধিবক্তা ভি ৰেৱতীয়ে জামিনৰ বিৰুদ্ধে যুক্তি দৰ্শাই অভিযোগ কৰে যে সাংসদজনে তেলেংগানা চৰকাৰৰ ভাৱমূৰ্তি কলুষিত কৰিবলৈ আৰু ছাত্ৰ-ছাত্ৰীসকলৰ মাজত আতংক সৃষ্টি কৰিবলৈ গোচৰটোৰ আন অভিযুক্তসকলৰ সৈতে ষড়যন্ত্ৰ কৰিছিল ।
তেওঁ লগতে এইটোও যুক্তি দিয়ে যে সঞ্জয়ৰ ম’বাইল ফোনত গোচৰটো সন্দৰ্ভত গুৰুত্বপূৰ্ণ প্ৰমাণ আছে আৰু সেইটো এতিয়াও উদ্ধাৰ হোৱা নাই । তেওঁ দাবী কৰে যে যদি সাংসদজনক জামিনত মুক্তি দিয়া হয়, তেন্তে প্ৰমাণৰ খেলিমেলি কৰিব পাৰে । "আমি গোচৰটোৰ পুংখানুপুংখ তদন্ত কৰিব লাগিব আৰু এছএছচি ৰাজহুৱা পৰীক্ষাৰ কাকত ফাদিল হোৱাৰ প্ৰমাণ একত্ৰিত কৰিব লাগিব । বান্দি সঞ্জয়ে শিক্ষাৰ্থীসকলৰ ভৱিষ্যতৰ সৈতে খেলি আছে আৰু তেওঁলোকক আৰক্ষীৰ জিম্মালৈ প্ৰেৰণ কৰা উচিত ।" চৰকাৰী অধিবক্তাই কয় । অৱশ্যে দুয়োগৰাকী অধিবক্তাই নিশা 9 বজালৈকে তেওঁলোকৰ যুক্তি অব্যাহত ৰখাৰ পিচত ন্যায়িক দণ্ডাধীশে সঞ্জয়ক চৰ্তসাপেক্ষে জামিন প্ৰদান কৰে ।
তেওঁক জামিন হিচাবে 20,000 টকাৰ ব্যক্তিগত বণ্ড দাখিল কৰিবলৈ কোৱা হয় । লগতে সাংসদজনক দেশ এৰি নাযাবলৈ, সাক্ষীসকলক ভাবুকি নিদিবলৈ আৰু অনুসন্ধানকাৰীসকলৰ সৈতে সহযোগিতা কৰিবলৈও কোৱা হয় । উল্লেখ্য, এই জামিনৰ আদেশ কৰিমনগৰ কাৰাগাৰ গৈ পোৱাৰ পিচত সঞ্জয়ক মুকলি কৰি দিয়া হ'ব । উল্লেখযোগ্য যে বিগত ৪ এপ্ৰিলত হনুমাকোণ্ডাৰ কমলাপুৰৰ জিলা পৰিষদ ল'ৰা হাইস্কুলৰ এছএছচি পৰীক্ষা কেন্দ্ৰৰ পৰা হিন্দী প্ৰশ্নকাকতখন ফাদিল হোৱাৰ অভিযোগ লাভ কৰা হৈছিল । তাৰ পিচত সোমবাৰে আৰক্ষীয়ে সঞ্জয়কে ধৰি চাৰিজন অভিযুক্তক নিজৰ জিম্মাত বিচাৰিছিল ।
লগতে পঢ়ক :Ranoj Pegu on HS Question Paper Leak : সদনত ছেবাক পুনৰ এবাৰ ক্লীনছীট শিক্ষামন্ত্ৰীৰ
