নেচনেল ডেস্ক, 7 ডিচেম্বৰ:বিবাহৰ দিনটোতে ক'ভিড-19 ত আক্ৰান্ত হ'ল শ্বাহবাদৰ বাৰাৰ এগৰাকী কইনা ৷ কইনা ক'ভিড- 19 ত আক্ৰান্ত হোৱাৰ ৰিপৰ্ট বিবাহৰ দিনটোতে অহাৰ পাছতে দৰা কইনা দুয়ো পি পি ই কিট পৰিধান কৰি বিবাহ মণ্ডপত বহে ৷
জানিব পৰা মতে কইনা গৰাকী ক'ভিড-19 আক্ৰান্ত হোৱাত আৰক্ষী আহি বিবাহথলীত উপস্থিত হয় আৰু কইনাক ক'ভিড কেন্দ্ৰলৈ প্ৰেৰণ কৰে ৷ ইয়াৰ পাছতে জিলা উপায়ুক্তৰ সৈতে তথা প্ৰশাসনৰ সংশ্লিষ্ট বিষয়াবৰ্গৰ সৈতে আলোচনাত মিলিত হৈ ক'ভিড কেন্দ্ৰতে বিবাহ অনুষ্ঠিত কৰাৰ সিদ্ধান্ত গ্ৰহণ কৰা হয় ৷ সেই মৰ্মে ৰাজস্থানৰ শ্বাহবাদৰ বাৰাৰ কেলৱাৰা ক'ভিড কেন্দ্ৰত বিবাহকাৰ্য সম্পন্ন হয় ৷