নেচনেল ডেস্ক, 27 ফেব্ৰুৱাৰী:শনিবাৰে অন্ধ্ৰ প্ৰদেশৰ শ্ৰীহৰিকোটাৰ সতীশ ধাৱন মহাকাশ কেন্দ্ৰৰ পৰা পিএছএলভি-চি51/আমাজনিয়া-1 অভিযানৰ কাউণ্ট ডাউন আৰম্ভ হয় ৷ পিএছএলভি ৰ 53 তম অভিযান পিএছএলভি-চি51 ৰকেটে চেন্নাইৰ পৰা প্ৰায় 100 কিল’মিটাৰ দূৰত ভাৰতীয় মহাকাশ গৱেষণা সংস্থাৰ বেংগালুৰুৰ মুখ্য কাৰ্যালয়ৰ পৰা ব্ৰাজিলৰ আমাজনীয়া-1 ক প্ৰাথমিক উপগ্ৰহ হিচাপে লগতে 18 টা সহ-যাত্ৰী উপগ্ৰহ (কো-পেচেঞ্জাৰ উপগ্ৰহ) উৎক্ষেপণ কৰিব ৷ বতৰৰ স্থিতি একেই থাকিলে 28 ফেব্ৰুৱাৰীৰ 1024 ঘণ্টাত এই উৎক্ষেপণটোৰ বাবে সময় নিৰ্ধাৰণ কৰা হৈছে ৷
উল্লেখ্য যে, এই কাউণ্ট ডাউন 0854 ঘণ্টাত আৰম্ভ হৈছিল ৷ পিএছএলভি-চি51/আমাজনিয়া-1 হৈছে ইছৰোৰ বাণিজ্যিক সহযোগী নিউ স্পেচ ইণ্ডিয়া লিমিটেড (এনএছআইএল) ৰ প্ৰথমটো উৎসৰ্গিত বাণিজ্যিক অভিযান ৷ এনএছআইএলে চিট্টল, ৰাইদচেয়াৰ আৰু স্পেচফ্লাইট আদিৰ বাণিজ্যিক ব্যৱস্থাৰ অধীনত এই অভিযান আৰম্ভ কৰিছে ৷ আমাজনিয়া-1 হৈছে ৰাষ্ট্ৰীয় মহাকাশ গৱেষণা প্ৰতিষ্ঠানৰ (আইএনপিই) অপ্টিকেল পৃথিৱী পৰ্যবেক্ষণ উপগ্ৰহ ৷