নেশ্যনেল ডেস্ক,১৫ এপ্ৰিল: দেশত কৰ'ণাৰ দ্বিতীয় ঢৌৱে ভয়ংকৰ ৰূপ ধাৰণ কৰিছে । কৰ'ণাৰ দ্বিতীয় ঢৌত জৰ্জৰিত হৈ পৰিছে দেশ । দেশৰ ভিন্ন প্ৰান্তত কেতবোৰ মৰ্মান্তিক ছবি দেখিবলৈ পোৱা গৈছে । কোনো চিকিৎসালয়ত বিচনাৰ অভাৱ, অক্সিজেনৰ অভাৱ, ভেণ্টিলেটৰৰ অভাৱ আদি দৃশ্য দেখিবলৈ পোৱাৰ সময়তে এইবাৰ ছত্তিশগড়ত দেখা গৈছে মৰ্মান্তিক দৃশ্য ।
কৰ'ণাত আক্ৰান্ত এগৰাকী ৰোগীয়ে হুইল চেয়াৰত বহি ৩ ঘণ্টা ধৰি অক্সিজেন চিলিণ্ডাৰ লৈ থকা দেখা গ'ল । ছত্তিশগড়ত কৰ'ণাত আক্ৰান্ত লোকৰ সংখ্যা বৃদ্ধি পোৱাত চিকিৎসালয়ত বিচনাৰ অভাৱত মহাচামুণ্ডৰ জিলা চিকিৎসালয়ত এইদৰে হুইল চেয়াৰত বহি অক্সিজেন লবলগীয়া হয় ৷