নিউজ ডেস্ক, 5 মাৰ্চ: অৱশেষত অৱসান ঘটিল মেঘালয়ৰ চৰকাৰ গঠনক লৈ চলি থকা অনিশ্চয়তা (Conrad Sangma to form government) ৷ কনৰাড চাংমাৰ NPP দলেই মেঘালয়ত পুনৰ গঠন কৰিব চৰকাৰ ৷ কনৰাড চাংমাক চৰকাৰ গঠনৰ বাবে সমৰ্থন আগবঢ়ালে ইউ ডি পি(UDP) আৰু পি ডি এফ(PDF) দলে ৷ কনৰাড চাংমাক চৰকাৰ গঠনৰ বাবে সমৰ্থন আগবঢ়াই পত্ৰ প্ৰেৰণ কৰিছে দুয়োটা দলৰ সভাপতিয়ে (UDP and PDF extended support) ৷
উল্লেখ্য যে, 2 মাৰ্চত ঘোষণা হোৱা মেঘালয় বিধানসভা নিৰ্বাচনৰ ফলাফলত 26 খন আসন লাভ কৰিছিল NPP দলে ৷ কিন্তু 26 খন আসন চৰকাৰ গঠনৰ বাবে পৰ্যাপ্ত নাছিল ৷ আনহাতে কোনো এটা দলেই চৰকাৰ গঠন কৰিব পৰালৈ সংখ্যাগৰিষ্ঠতা লাভ কৰা নাছিল ৷ যাৰ বাবে ৰাজ্যখনত কোনে চৰকাৰ গঠন কৰিব তাকে লৈ অব্যাহত আছিল জল্পনা-কল্পনা (Meghalaya politics update) ৷
ইফালে, কনৰাড চাংমাৰ চৰকাৰ গঠনৰ অনিশ্চয়তাৰ মাজতে চৰকাৰ গঠনৰ দৌৰত আছিল তৃণমূল কংগ্ৰেছৰ মুকুল চাংমা ৷ কিন্তু দেওবাৰে UPD আৰু PDF দলে সমৰ্থন আগবঢ়োৱাৰ পাচতেই কনৰাড চাংমাৰ চৰকাৰ গঠনৰ পথ প্ৰশস্ত হ’ল ৷ মুঠ 45 গৰাকী বিধায়কক লৈ চৰকাৰ গঠন কৰিব কনৰাড চাংমাৰ NPP দলে ৷
উল্লেখ্য যে, এইবাৰৰ নিৰ্বাচনৰ ফলাফলত UDP দলে 11 খন আসন লাভ কৰাৰ বিপৰীতে 2 খন লাভ কৰিবলৈ সক্ষম হৈছিল PDF দলে ৷ প্ৰথম অৱস্থাত কনৰাড চাংমাৰ সৈতে আছিল মুঠ 32 গৰাকী বিধায়ক ৷ ইয়াৰ ভিতৰত আছিল দুগৰাকী বিজেপি, দুগৰাকী HSPDP আৰু দুগৰাকী নিৰ্দলীয় বিধায়ক ৷
ইফালে, শুকুৰবাৰে ৰাজ্যপাল ফাগু চৌহানৰ ওচৰত নিজৰ পদত্যাগ পত্ৰ দাখিলৰ লগতে মেঘালয়ত পুনৰ চৰকাৰ গঠনৰ বাবে দাবী উত্থাপন কৰিছিল কনৰাড চাংমাই ৷ আনহাতে, 7 মাৰ্চত মেঘায়ত নতুন চৰকাৰৰ শপত গ্ৰহণ অনুষ্ঠান অনুষ্ঠিত হ’ব (Meghalaya new govt oath taking) ৷ য’ত উপস্থিত থাকিব দেশৰ প্ৰধানমন্ত্ৰী নৰেন্দ্ৰ মোডী ৷
উল্লেখ কৰা প্ৰয়োজন যে, মেঘালয় বিধানসভা নিৰ্বাচনৰ ফলাফলত কংগ্ৰেছ আৰু তৃণমূল কংগ্ৰেছে পাঁচখনকৈ আসন লাভ কৰিছিল ৷ ভইচ অফ দ্য পিপল পাৰ্টিয়ে চাৰিখন আসন লাভ কৰিছিল আৰু হিল ষ্টেট পিপলছ ডেম'ক্ৰেটিক পাৰ্টিয়ে দুখন আসন লাভ কৰিছিল ৷ 60 খন আসন থকা মেঘালয় বিধানসভাত ইউডিপিৰ প্ৰাৰ্থী এইচডিআৰ লিংডোৰ মৃত্যু হোৱা বাবে ছোহিওং সমষ্টিত ভোটদান পিছুৱাই দিয়াৰ বাবে মুঠ 59 খন আসনৰ বাবে অনুষ্ঠিত হৈছিল ভোটগ্ৰহণ (Meghalaya assembly election 2023 results) ৷
লগতে পঢ়ক:Send stray dogs to Assam: অসমৰ মানুহে কুকুৰ খায়, অসমত কুকুৰৰ চাহিদা আছে; মহাৰাষ্ট্ৰ বিধায়কৰ বিতৰ্কিত মন্তব্য
