নেশ্যনেল ডেস্ক, 15 এপ্ৰিল : অহা ১০ মে’ত অনুষ্ঠিত হ’বলগীয়া কৰ্ণাটক বিধানসভা নিৰ্বাচনৰ বাবে শনিবাৰে কংগ্ৰেছে ৬৬ জন এআইচিচিৰ পৰ্যবেক্ষকৰ নাম ঘোষণা কৰে । ৬৬ জন এআইচিচিৰ পৰ্যবেক্ষকৰ ভিতৰত পিচিচিৰ প্ৰাক্তন মুৰব্বী এন ৰঘুবীৰা ৰেড্ডী, মুম্বাইৰ প্ৰাক্তন ইউনিট মুৰব্বী সঞ্জয় নিৰুপম, সাংসদ বেনী বেহানন, সাংসদ কাৰ্তি চিদাম্বৰম আৰু সাংসদ জোতিমণিকে ধৰি পাঁচজন জ্যেষ্ঠ নেতাক কেৱল ৰাজধানী বেংগালুৰু চহৰৰ বাবে নিয়োগ কৰা হৈছে ৷ য’ত আছে প্ৰায় ২৫ খন বিধানসভাৰ আসন । অৰ্থাৎ এজন পৰ্যবেক্ষকৰ বিপৰীতে আছে পাঁচখনকৈ আসন (Karnataka assembly polls )। বাকী ৬১ জন পৰ্যবেক্ষকক অতি সোনকালে বিধানসভাৰ আসনৰ দায়িত্ব দিয়া হ’ব বুলি দলটোৱে জানিবলৈ দিয়ে ।কৰ্ণাটক বিধানসভাত মুঠ ২২৪ খন আসন আছে (AICC observers) ৷
কৰ্ণাটকৰ জ্যেষ্ঠ নেতা প্ৰকাশ ৰাথোড়ৰ মতে, ৰাজ্যিক ইউনিটৰ ডি কে শিৱ কুমাৰ আৰু চি এল পিৰ নেতা কে সিদ্ধাৰমাইয়াই বিগত এমাহত প্ৰায় ১৫০ খন আসনত “প্ৰজা ধ্বনি” নামৰ গণ প্ৰচাৰ কাৰ্যসূচী সম্পূৰ্ণ কৰে ৷ এতিয়া মে’ মাহৰ পূৰ্বে তৃণমূল পৰ্যায়ত কামবোৰৰ তদাৰক কৰি আছে বুলি জানিবলৈ দিয়ে । এই পৰ্যন্ত কংগ্ৰেছ দলটোৱে ২০৭/২২৪ গৰাকী প্ৰাৰ্থীৰ নাম উল্লেখ কৰি নিজ নিজ অঞ্চলত প্ৰচাৰত ব্যস্ত হৈ পৰিছে (All India Congress Committee) ।