নিউজ ডেস্ক, 2 জানুৱাৰী :লোকসভা নিৰ্বাচনৰ দিন চমু চাপি অহাৰ লগে লগে তৎপৰ হৈ পৰিছে প্ৰতিটো ৰাজনৈতিক দল ৷ শেহতীয়াকৈ ভোটাৰ ভেৰিফাইড পেপাৰ অডিট ট্ৰায়াল চমুকৈ ভি ভি পি এ টিৰ সন্দৰ্ভত ভাৰতৰ নিৰ্বাচন আয়োগলৈ এখন বিশেষ পত্ৰ লিখিছিল কংগ্ৰেছৰ সাধাৰণ সম্পাদক জয়ৰাম ৰমেশে ৷
ভি ভি পি এ টিৰ সন্দৰ্ভত ইণ্ডি মিত্ৰজোঁটৰ মতামত দাঙি ধৰিবলৈ প্ৰতিনিধিসকলে যাতে নিৰ্বাচন আয়োগৰ দলক সাক্ষাৎ কৰিব পাৰে তাৰ বাবে পত্ৰখন লিখা হৈছে ৷ মঙলবাৰে নিৰ্বাচন আয়োগলৈ লিখা পত্ৰখনত উল্লেখ আছে, ‘‘ইণ্ডিয়াৰ 3-4 জনীয়া প্ৰতিনিধিৰ দলে আপোনাৰ আৰু আপোনাৰ সহকৰ্মীৰ সাক্ষাৎ বিচাৰিছো ৷ ভি ভি পি এ টিৰ সন্দৰ্ভত আমাৰ দৃষ্টিভংগী দাঙি ধৰিবলৈ এই সাক্ষাৎ বিচাৰিছো ৷ এইটো এটা সম্পূৰ্ণ যুক্তিসঙ্গত আৰু বৈধ অনুৰোধ ৷’’
পত্ৰখনত কোৱা হৈছে, ‘‘ই ভি এম সম্পৰ্কীয় উদ্বেগজনক বিষয়ে আলোচনা কৰিবলৈ কেইবাবাৰো নিৰ্বাচন আয়োগলৈ পত্ৰ প্ৰেৰণ কৰা হৈছিল ৷ কিন্তু প্ৰতিনিধি দলৰ স্মাৰকপত্ৰৰ বিষয়ে ই চি আয়ে দিয়া স্পষ্টীকৰণক সাধাৰণ বুলি দিয়া আখ্যা দিয়া হয় ৷ " পত্ৰখনত কোৱা হৈছে " বাৰে বাৰে অনুৰোধ কৰাৰ পিছতো ইণ্ডি মিত্ৰজোঁটৰ প্ৰতিনিধিদলৰ সৈতে কোনো বৈঠক হোৱা নাছিল ।’’