নিউজ ডেস্ক, 28 আগষ্ট: অৰুণাচল প্ৰদেশৰ কিছু অংশত ৰঙা চীনৰ অনুপ্ৰৱেশৰ বিষয়টোত উদ্বেগ প্ৰকাশ কৰিছে কংগ্ৰেছ দলে(Chinese intrusions in Arunachal ) ৷ এই ঘটনাৰ সত্যসত্যতা জানিবলৈ শীঘ্ৰেই কংগ্ৰেছৰ এটা প্ৰতিনিধি দল সীমান্ত অঞ্চলসমূহ ভ্ৰমণ কৰিবলৈ যাব । লোকসভাৰ সদস্য তথা উত্তৰ-পূব কংগ্ৰেছ সমন্বয়ৰক্ষী সমিতিৰ আহ্বায়ক প্ৰদ্যুৎ বৰদলৈয়ে দেওবাৰে ই টিভি ভাৰতৰে এক বিশেষ সাক্ষাৎকাৰত এই কথা জানিবলৈ দিয়ে(Congress on Chinese intrusions) ৷
কংগ্ৰেছ নেতাগৰাকীয়ে কয়, "আমি বিশ্বাস কৰো যে চীনা অনুপ্ৰৱেশ এক গুৰুতৰ বিষয় আৰু ইয়াক উপেক্ষা কৰা উচিত নহয় । আমি অতীতত কেইবাবাৰো সংসদত বিষয়টো উত্থাপন কৰিছিলো কিন্তু চৰকাৰৰ পৰা কোনো সঁহাৰি পোৱা নাই । সেয়েহে, আমি সিদ্ধান্ত লৈছো যে কংগ্ৰেছৰ এটা প্ৰতিনিধি দলে শীঘ্ৰেই অৰুণাচল প্ৰদেশৰ সীমান্ত অঞ্চলসমূহ ভ্ৰমণ কৰি সমগ্ৰ দিশ পৰিদৰ্শন কৰিব ৷" তেওঁ লগতে আৰু কয়- "আমি অৱগত যে কেন্দ্ৰীয় চৰকাৰে আমাক সীমান্ত অঞ্চল ভ্ৰমণ কৰিবলৈ অনুমতি নিদিবও পাৰে কিন্তু আমি যাবলৈ সংকল্পবদ্ধ ৷"