Delhi Service Bill: বিধানসভাত দিল্লী সেৱা বিধেয়কৰ ওপৰত আলোচনা কৰি কেন্দ্ৰক আক্ৰমণ কেজৰিৱালৰ

শুকুৰবাৰে, দিল্লী সেৱা বিধেয়কৰ বিষয়ে দিল্লী বিধানসভাত আলোচনা কৰা হয়। আলোচনাত শাসকীয় দলৰ বিধায়কসকলে কেন্দ্ৰৰ বিজেপি চৰকাৰক তীব্ৰ আক্ৰমণ কৰে । একে সময়তে, বিজেপি বিধায়কসকলে বিধেয়কখন সন্দৰ্ভত হোৱা আলোচনাৰ তীব্ৰ বিৰোধিতা কৰে । আলোচনাৰ সময়ত মুখ্যমন্ত্ৰী অৰবিন্দ কেজৰিৱালে সদনত দিল্লীৰ জনসাধাৰণক অধিকাৰ ঘূৰাই দিয়াৰ আশ্বাস দিয়ে।

নেশ্যনেল ডেস্ক, 18 আগষ্ট: দিল্লী বিধানসভাৰ বিশেষ অধিৱেশনত দিল্লী সেৱা বিধেয়কৰ (Delhi Service Bill) ওপৰত আলোচনা কৰা হয় ৷ আলোচনাৰ সময়ত আম আদমী পাৰ্টীৰ বিধায়কৰ পৰা মুখ্যমন্ত্ৰী অৰবিন্দ কেজৰিৱাললৈকে, সকলোৱে কেন্দ্ৰৰ বিজেপি চৰকাৰক তীব্ৰভাৱে আক্ৰমণৰ লক্ষ্য কৰি লয় ৷

একে সময়তে, বিৰোধী বিধায়কসকলে বিধেয়কখন সন্দৰ্ভত হোৱা আলোচনাত তীব্ৰ আপত্তি দৰ্শাই ৷ বিজেপি বিধায়ক অ’ পি শৰ্মাই কয় যে যে মুখ্যমন্ত্ৰীয়ে বাজে কথা কয় । তেওঁ কেতিয়াও দিল্লীৰ লোকসকলৰ সৈতে সম্পৰ্কিত বিষয়ত কথা নকয় ।

অধিৱেশনত মুখ্যমন্ত্ৰী কেজৰিৱালে তেওঁৰ ভাষণত কয়, ‘‘কেন্দ্ৰৰ বিজেপি চৰকাৰে আইন প্ৰস্তুত কৰি দিল্লীৰ জনসাধাৰণৰ অধিকাৰ কাঢ়ি লৈছিল, কিন্তু মই দিল্লীৰ জনসাধাৰণক আশ্বাস দিছো যে মই আপোনাক আপোনাৰ অধিকাৰ ঘূৰাই আনিম ৷ আমি কোনো পৰিস্থিতিত দিল্লীৰ কাম বন্ধ হ'বলৈ নিদিওঁ ৷’’ 2024 চনৰ লোকসভা নিৰ্বাচনত ৰাষ্ট্ৰীয় ৰাজধানীক পূৰ্ণ ৰাজ্যৰ মৰ্যাদা দিয়াৰ বিষয়ত যুঁজ দিয়া হ'ব বুলিও কয় কেজৰিৱালে ৷

উল্লেখ্য যে সংসদৰ বৰ্ষাকালীন অধিৱেশনত ধ্বনি ভোটৰ দ্বাৰা গৃহত হয় ‘দিল্লী সেৱা বিধেয়ক’ ৷ বিধেয়কখনে ৰাজ্যসভাত ১৩১ জন সাংসদৰ সমৰ্থন লাভ কৰে ৷

কেজৰিৱালে লগতে দাবী কৰে যে শেহতীয়াকৈ বিজেপিৰ কোনোবাই তেওঁক ভাবুকি দি কৈছিল, ‘‘আমি আপোনাক শিৰনত কৰিবলৈ বাধ্য কৰিম ৷ কিন্তু মই তেওঁলোকক ক'ব বিচাৰো যে কোনো শক্তিয়ে কেজৰিৱাল আৰু দিল্লীৰ দুই কোটি লোকক শিৰনত কৰাব নোৱাৰে ৷’’

কেজৰিৱালে লগতে কয় যে 2024 চনৰ নিৰ্বাচনত বিজেপিয়ে দিল্লীৰ সাতোখন লোকসভা আসন হেৰুৱাব ৷

লগতে পঢ়ক:Delhi Services Bill : সংসদত গৃহীত হ’ল বিতৰ্কিত দিল্লী সেৱা বিধেয়ক