আৰক্ষী আৰু নক্সালবাদীৰ মাজত সংঘৰ্ষ, এনকাউণ্টাৰত নিহত দুধৰ্ষ নক্সালবাদী

আৰক্ষী আৰু নক্সালবাদীৰ মাজত প্ৰচণ্ড গুলীয়াগুলী ৷ এই সংঘৰ্ষত এক নক্সালবাদী নিহত ৷

নেশ্য়নেল ডেস্ক, 14 ডিচেম্বৰ :মধ্য প্ৰদেশৰবালাঘাটত বৃহস্পতিবাৰে পুৱা আৰক্ষী আৰু নক্সালবাদীৰ মাজত প্ৰচণ্ড গুলীয়াগুলীৰ ঘটনা সংঘটিত হৈছে ৷ এই সংঘৰ্ষত এটা নক্সালবাদী নিহত হৈছে বুলি জানিব পৰা গৈছে ৷

প্ৰাপ্ত তথ্য অনুসৰি, সৈন্যসকলে বালাঘাট জিলাৰ গড়ী আৰক্ষী থানাৰ অন্তৰ্গত চূপখৰৰ খামকোডাদাৰ বনাঞ্চলত আৰক্ষী আৰু নক্সালবাদীৰ এটা দলৰ সৈতে সংঘৰ্ষ সংঘটিত হয় ৷ এই সংঘৰ্ষত মাদকমা হিদমা ওৰফে চেতু (25) নামৰ এটা নক্সালবাদীক হত্যা কৰা হৈছে ৷ চেতু ছত্তীশগড়ৰ বিজাপুৰৰ বাসিন্দা বুলি জানিব পৰা গৈছে ৷

আজি পুৱা কিছু নক্সালবাদীয়ে মতিনালাৰ সমীপৰ পৰা অত্যাৱশ্যকীয় সামগ্ৰী কঢ়িয়াই আনি থকাৰ সময়তেই আৰক্ষীৰ দলটোৰ সৈতে মুখামুখি হয় ৷ ফলত নক্সালবাদীয়ে প্ৰথমে আৰক্ষীলৈ উদ্দেশ্যি গুলীবৰ্ষণ কৰে ৷ নক্সালবাদীৰ গুলীচালনাৰ প্ৰতিক্ৰিয়াত আৰক্ষীয়েও গুলীচালনা কৰে ৷ ফলত আৰক্ষীৰ গুলীত এটা নক্সালবাদী নিহত হয় ৷

সম্প্ৰতি মতিনালা হক ফৰ্চ এছ.ও.জি. এটা দল ঘটনাস্থলীত উপস্থিত আছে আৰু ঘটনাস্থলীৰ চাৰিওফালে এটা অনুসন্ধান অভিযান চলাইছে। এই সমগ্ৰ ঘটনা সন্দৰ্ভত আৰক্ষীয়ে কয় যে "এছ.ও.জি. কৰ্মীসকলে পুনৰ বৃহৎ সফলতা অৰ্জন কৰিছে, য'ত তেওঁলোকে এটা নক্সালবাদীক হত্যা কৰিবলৈ সক্ষম হৈছে ।"

লক্ষণীয় যে, এই এনকাউণ্টাৰটো বালাঘাট জিলাৰ কানহা ৰাষ্ট্ৰীয় উদ্যানৰ সমীপৰ চূপখাৰৰ অৰণ্যত সংঘটিত হৈছিল। যোৱা কেইবছৰ মান ধৰি নক্সালবাদীসকলে এই অঞ্চলটোক তেওঁলোকৰ আশ্ৰয়স্থললৈ পৰিণত কৰিছে ৷ চলিত বৰ্ষত বালাঘাট আৰক্ষীয়ে 4 টা নক্সালবাদীক হত্যা কৰিছে। বিগত বৃহস্পতিবাৰে 1 টা নক্সালবাদীক হত্যা কৰাৰ পূৰ্বে 3 টা নক্সালবাদীক হত্যা কৰিছিল ৷ চিআৰপিএফে এই সংঘৰ্ষসমূহত আৰক্ষীক সম্পূৰ্ণ সহযোগিতা আগবঢ়াইছে ৷

লগতে পঢ়ক:আমগুৰিত প্ৰচণ্ড শিলাবৃষ্টি, গৃহহীন অৰ্ধ-শতাধিক পৰিয়াল