Amit Shahs visit to Arunachal Pradesh: অমিত শ্বাহৰ অৰুণাচল প্ৰদেশ ভ্ৰমণৰ বিৰোধিতা কৰিলে চীনে

গৃহমন্ত্ৰী অমিত শ্বাহৰ অৰুণাচল প্ৰদেশৰ সীমান্তৱৰ্তী গাঁও কিবিথু ভ্ৰমণৰ বিৰোধিতা কৰছে চীনে (China on Amit Shahs Arunachal visit )। গৃহমন্ত্ৰী অমিত শ্বাহে দুদিনীয়া ভ্ৰমণ সূচীৰে সোমবাৰে অৰুণাচল প্ৰদেশত উপস্থিত হোৱাৰ সময়তেই এই বিৰোধিতা । অৰুণাচলৰ কিবিথুৰ এখন গাঁৱত 'ভাইব্ৰেন্ট ভিলেজ' নামৰ শীৰ্ষক এক আঁচনিৰ পদক্ষেপৰ পিছতেই সৰৱ হৈছে চুবুৰীয়া ৰাষ্ট্ৰখন ।

নেশ্য়নেল ডেস্ক, ১০ এপ্ৰিল:সোমবাৰে ভাৰতৰ গৃহমন্ত্ৰী অমিত শ্বাহে অৰুণাচল প্ৰদেশৰ সীমান্তৱৰ্তী গাঁও কিবিথু ভ্ৰমণ কৰাৰ তীব্ৰ বিৰোধিতা কৰিছে চীনে (China opposed Amit Shahs Arunachal Pradesh visit )। এই ভ্ৰমণৰ পিচত চীন আৰু ভাৰতৰ মাজত উত্তেজনা বৃদ্ধি পোৱাৰ সম্ভাৱনা বৃদ্ধি পাইছে । গৃহমন্ত্ৰী অমিত শ্বাহে দুদিনীয়া ভ্ৰমণ সূচীৰে সোমবাৰে অৰুণাচল প্ৰদেশত উপস্থিত হৈছে (Vibrant Villages Programme) ।

কেন্দ্ৰীয় গৃহমন্ত্ৰীগৰাকীয়ে অৰুণাচলৰ কিবিথুৰ এখন গাঁৱত 'ভাইব্ৰেন্ট ভিলেজ' নামৰ শীৰ্ষক এক আঁচনি শুভাৰম্ভ কৰিব । তেওঁ কিবিথুত আইটিবিপিৰ কৰ্মীসকলৰ সৈতেও মত বিনিময় কৰিব । অহা ১১ এপ্ৰিলত অৰ্থাৎ মঙলবাৰে কেন্দ্ৰীয় গৃহমন্ত্ৰীগৰাকীয়ে নামতি পথাৰ পৰিদৰ্শন কৰি ৱালং যুদ্ধ স্মাৰকত শ্ৰদ্ধাঞ্জলি জ্ঞাপন কৰিব (Walong War Memorial)। ইয়াকে লৈ ক্ষুব্ধ হৈছে চুবুৰীয়া ৰাষ্ট্ৰ চীন ।

উল্লেখ্য যে, বেইজিঙে ২ এপ্ৰিলত অৰুণাচল প্ৰদেশৰ ১১ টা ঠাইক "মানক"(standardized) হিচাপে চিহ্নিত কৰি ইয়াৰ ভূখণ্ডৰ অংশ হিচাপে 'জাংনান' (Zangnan)বুলি অভিহিত কৰে । অৱশ্যে ভাৰতে 4 এপ্ৰিলত অঞ্চলটোৰ ওপৰত চীনৰ সাৰ্বভৌমত্বক সম্পূৰ্ণৰূপে অস্বীকাৰ কৰে । কেন্দ্ৰীয় গৃহমন্ত্ৰীগৰাকীৰ এই ভ্ৰমণক কেন্দ্ৰ কৰি কিবিথু ৰাজনৈতিকভাৱে গুৰুত্বপূৰ্ণ হৈ পৰিছে । গৃহমন্ত্ৰী অমিত শ্বাহৰ ভ্ৰমণ সন্দৰ্ভত এক প্ৰশ্নৰ উত্তৰত বেইজিঙৰ মুখপাত্ৰ ৱাং ৱেনবিনে কয়, "জাংনান চীনৰ ভূখণ্ড । ভাৰতীয় নেতাগৰাকীৰ জাংনান ভ্ৰমণে চীনৰ আঞ্চলিক সাৰ্বভৌমত্ব উলংঘা কৰিছে আৰু সেয়েহে সীমান্ত পৰিস্থিতিৰ শান্তি আৰু শান্তিৰ বাবে অনুকূল নহয় ।"

গৃহমন্ত্ৰী অমিত শ্বাহৰ কিবিথু ভ্ৰমণ হৈছে ভাইব্ৰেণ্ট ভিলেজ কাৰ্যসূচীৰ শুভাৰম্ভৰ অংশ । এয়া হৈছে এক চৰকাৰী পদক্ষেপ যি অৰুণাচল প্ৰদেশৰ লগতে ছিকিম, উত্তৰাখণ্ড, হিমাচল প্ৰদেশ আৰু কেন্দ্ৰীয় শাসিত অঞ্চল লাডাখত উন্নয়নমূলক প্ৰকল্প । উক্ত কাৰ্যসূচীত এই অঞ্চলসমূহৰ ১৯ খন জিলাৰ ৪৬ টা খণ্ডৰ ২,৯৬৭ খন গাঁওৰ ওপৰত গুৰুত্ব দিয়া হ'ব । ইয়াৰ উদ্দেশ্য হৈছে জীৱিকা প্ৰদান কৰা আৰু সীমান্তৱৰ্তী গাওঁসমূহত বাস কৰা লোকসকলক শক্তিশালী কৰা ।

উল্লেখ্য় যে, দুয়োখন ৰাষ্ট্ৰৰ মাজৰ সীমা মুখ্যতঃ অনিৰ্ধাৰিত হোৱাৰ বাবে পৰিস্থিতি জটিল হৈ পৰিছে । দুয়োপক্ষৰ সীমান্ত ক'ত সেই বিষয়ে ভিন্ন ধাৰণা আছে । ইয়াৰ ফলত সঘনাই সংঘৰ্ষ হৈ আহিছে আৰু সীমান্তৰ দুয়োফালে বৃহৎ সংখ্যক সৈন্য মোতায়েন কৰা হয় । দুয়োখন ৰাষ্ট্ৰৰ মাজত সীমান্তক লৈ চলি থকা বিবাদ কেইবা দশক পুৰণি । চীনে অৰুণাচল প্ৰদেশকে ধৰি হিমালয়ৰ বৃহৎ অঞ্চল দাবী কৰিছে, যাক ই দক্ষিণ তিব্বত বুলি কয় । ইফালে, ভাৰতে দাবী কৰে যে, চীনৰ দাবী ভিত্তিহীন আৰু বিতৰ্কিত অঞ্চলটো ভাৰতীয় ভূখণ্ডৰ এক অবিচ্ছেদ্য অংশ (Zangnan is Chinas territory Wang Wenbin) ।

এই বিবাদ চীন আৰু অঞ্চলটোৰ অন্যান্য ৰাষ্ট্ৰসমূহৰ মাজত উত্তেজনাৰ উৎস হৈ আহিছে । কেইবাখনো দেশে দক্ষিণ চীন সাগৰ আৰু ভাৰত মহাসাগৰত চীনৰ দাবীৰ ওপৰত উদ্বেগ প্ৰকাশ কৰিছে । বিশেষকৈ আমেৰিকা যুক্তৰাষ্ট্ৰই ভাৰতৰ প্ৰতি সমৰ্থন জনাই আহিছে । শেহতীয়াকৈ দুয়োখন ৰাষ্ট্ৰৰ মাজত সম্পৰ্ক শক্তিশালী কৰাৰ বাবে কাম কৰি আহিছে ।

ভাৰতে দাবী কৰি কয় যে অৰুণাচল প্ৰদেশ দেশৰ এক অবিচ্ছেদ্য অংগ । ভাৰতৰ বৈদেশিক পৰিক্ৰমা মন্ত্ৰালয়ৰ মুখপাত্ৰ অৰিন্দম বাগচীয়ে কয় যে চীনে অতীতত একে ধৰণৰ প্ৰচেষ্টা চলাইছে আৰু ভাৰতে এই প্ৰচেষ্টাক সমালোচনা কৰিছে । বাগচীয়ে পুনৰ কয় যে অৰুণাচল প্ৰদেশ ভাৰতৰ এটা অংশ আৰু চীনৰ নামকৰণৰ প্ৰচেষ্টাই পৰিস্থিতি সলনি নকৰে ।

আমেৰিকা যুক্তৰাষ্ট্ৰয়ো চীনৰ পদক্ষেপৰ বিৰোধিতা কৰিছে আৰু অঞ্চলসমূহৰ নাম সলনি কৰি আঞ্চলিক দাবী আগবঢ়োৱাৰ যিকোনো একপক্ষীয় প্ৰচেষ্টাক তীব্ৰ সমালোচনা কৰিছে । হোৱাইট হাউচৰ প্ৰেছ সচিব কাৰিনে জিনপিয়েৰে এই সন্দৰ্ভত কয়," ভাৰতীয় ভূখণ্ডৰ ওপৰত চীনা দাবীৰ এইটো আন এটা প্ৰয়াস । গতিকে আমেৰিকা যুক্তৰাষ্ট্ৰই দীৰ্ঘদিন ধৰি সেই অঞ্চলটোক স্বীকৃতি দি আহিছে আৰু আমি অঞ্চলবোৰৰ নাম সলনি কৰাৰ দাবীৰ যিকোনো একপক্ষীয় প্ৰচেষ্টাৰ তীব্ৰ বিৰোধিতা কৰো । "

লগতে পঢ়ক:Delhi to London flight: যাত্ৰীৰ অভব্য আচৰণৰ বাবে লণ্ডন অভিমুখী বিমান উভতিল দিল্লীলৈ