নেশ্যনেল ডেস্ক, 17 এপ্ৰিল : ভাৰত সীমান্তত দ্ৰুত আন্তঃগাঁথনি উন্নয়নত নিয়োজিত হৈ আছে চীন (Chushul Councillor Konchok Stanzin)৷ আনকি শেহতীয়াকৈ চীনৰ গৰম পানীৰ ঝৰণাৰ ওচৰত তিনিটা ম’বাইল টাৱাৰো স্থাপন কৰিছে চীনে (Chinese mobile towers near hot springs)৷ এই কথা দাবী কৰিছে লাডাখৰ এগৰাকী কাউন্সিলাৰে ।
শনিবাৰে লাডাখৰ চুছুল কাউন্সিলাৰ কনচোক ষ্টানজিনে টুইটযোগে কয় যে, ‘‘পাংগং হ্ৰদৰ ওপৰত নিৰ্মাণ হৈ থকা দলং খন সম্পূৰ্ণ কৰাৰ পিছত চীনে ভাৰতীয় ভূখণ্ডৰ নিচেই কাষতে চীনৰ গৰম পানীৰ ঝৰ্ণা (Hot Springs in china)ৰ কাষত স্থাপন কৰিছে 3 টা ম’বাইল টাৱাৰ’’ । লগতে তেওঁ কয় যে, ‘‘এইটো চিন্তাৰ বিষয় নহয় নেকি ? আমাৰ আনকি গাঁওবোৰত 4G ৰ সুবিধাও নাই । মোৰ সমষ্টিৰ 11 খন গাঁৱত কোনো 4G ৰ সুবিধা নাই’’ ৷
লগতে তেওঁ কয়, "মই মোৰ লোকসকলৰ বাবে মাত মাতিছো ৷ চীনে শেহতীয়াকৈ তেওঁলোকৰ আন্তঃগাঁথনিৰ গতি বৃদ্ধি কৰিছে ৷ তেওঁলোকে পাংগঙৰ ওপৰত এখন দলং মুকলি কৰিছে আৰু এতিয়া শেহতীয়াকৈ তেওঁলোকে এটা গৰম পানীৰ ঝৰণাৰ কাষত তিনিটা টাৱাৰ নিৰ্মাণ কৰিছে ৷ যাক ড্ৰোণৰ বাবে ব্যৱহাৰ কৰিব পাৰি ’’।