নেশ্যনেল ডেস্ক, ১০ নৱেম্বৰ :সকলোৰে জ্ঞাত যে, চলিত সপ্তাহৰ মঙলবাৰে সামৰণি পৰে ছত্তীশগড়বিধানসভা নিৰ্বাচনৰ প্ৰথম পৰ্যায়ৰ ভোটগ্ৰহণ ৷ এই ভোটগ্ৰহণ সামৰণি পৰাৰ লগে লগে ৰাজ্যৰ মুখ্য নিৰ্বাচনী বিষয়াই নিৰ্বাচনী প্ৰক্ৰিয়াত সহায় কৰাৰ বাবে ভাৰতীয় বায়ুসেনাৰ প্ৰচেষ্টাক প্ৰশংসা কৰে ।
X ৰ এটা পোষ্টত মুখ্য নিৰ্বাচনী বিষয়াগৰাকীয়ে কয়, ‘‘আই এ এফে সকলো প্ৰত্যাহ্বানক অৱজ্ঞা কৰি বাওঁপন্থী উগ্ৰবাদ (Left-wing extremism চমুকৈ LWE) প্ৰভাৱিত অঞ্চলসমূহৰ এটাত সফল নিৰ্বাচনী প্ৰক্ৰিয়া সক্ষম কৰি তুলিছে’’ ।
তেওঁ আৰু Xৰ পোষ্টটোত কয়, ‘‘সকলো প্ৰত্যাহ্বান নেওচি ভাৰতীয় বায়ুসেনাই Eight MI ১৭ বিমানৰ সৈতে ৪০৪ টা অভিযান চলাইছিল ৷ ৪৩ টা স্থানৰ পৰা ৮৫৩ জন পুলিং অফিচাৰক গন্তব্য স্থানলৈ স্থানান্তৰ কৰিছিল ৷ যিয়ে এই কঠিন LWE প্ৰভাৱিত অঞ্চলসমূহত সফলভাৱে নিৰ্বাচনী প্ৰক্ৰিয়া সমাপ্ত কৰিবলৈ সহায় কৰিছিল’’ ৷
ভাৰতীয় বায়ুসেনাক চেলুট জনায় মুখ্য নিৰ্বাচনী বিষয়াগৰাকীয়ে X ত কয়, ‘‘মঙলবাৰে ৰাজ্যখনৰ প্ৰথম পৰ্যায়ৰ নিৰ্বাচনত, ছত্তীশগড়ৰ ২০ টা বিধানসভা সমষ্টিত ভোটদানৰ শতাংশ ৭১.৯৩ আছিল । চূড়ান্ত গণনাত ভোটাৰৰ ভোটদান বৃদ্ধি হোৱাৰ সম্ভাৱনা আছে ৷ ২০১৮ চনত ১৮ টা সমষ্টিত অনুষ্ঠিত হোৱা ছত্তীশগড়ৰ প্ৰথম পৰ্যায়ৰ নিৰ্বাচনত ৭৬.৪২ শতাংশ ভোটাৰৰ ভোটদান কৰা দেখা গৈছিল’’ ।
প’ল পেনেলৰ (Poll Panel) শেহতীয়া তথ্য অনুসৰি, খৈৰাগড়-চুইখাদণ্ডানী বিধানসভাছত্তীশগড়ৰ সমষ্টিত সৰ্বাধিক ভোটদানৰ হাৰ ৭৬.৩১ শতাংশ হোৱাৰ বিপৰীতে মহলা-মানপুৰ-আম্বগড় চৌকীত ভোটদানৰ হাৰ ৭৬ শতাংশ । সৰ্বনিম্ন ভোটগ্ৰহণৰ হাৰ বিজাপুৰত ৪০.৯৮ শতাংশ । উত্তৰ বস্তৰ কাংকেৰত ৭৫.৫১ শতাংশ, কোণ্ডাগাঁৱত ৭৫.৩৫ শতাংশ, ৰাজনান্দগাঁৱত ৭৫.১ শতাংশ আৰু বষ্টাৰ (জগদলপুৰ)ত ৭২.৪১ শতাংশ ।