নেশ্যনেল ডেস্ক,13 ডিচেম্বৰঃ কেন্দ্ৰীয় চৰকাৰৰ কেইগৰাকীমান মন্ত্ৰীয়ে দিল্লী আৰু হাৰিয়ানা সীমান্তত চলি থকা কৃষক বিদ্ৰোহত ‘বিচ্ছিন্নতাবাদী’ উপাদান থকা বুলি কৰা মন্তব্যক সমালোচনা কৰে জ্যেষ্ঠ কংগ্ৰেছ নেতা পি চিদাম্বৰমে ৷ চিদাম্বৰমে টুইটযোগে কয়, "মন্ত্ৰীসকলে কৃষি আইনৰ বিৰোধিতা কৰা প্ৰতিবাদকাৰীসকলক খালিস্তানী, চীন আৰু পাকিস্তানৰ চোৰাংচোৱা, মাওবাদী আৰু টুকৰে টুকৰে গেঙৰ সৈতে তুলনা কৰিছে ৷"
তেখেতে আৰু কয় যে, ‘যদি আপোনালোকে এইসমূহ ভাগত কৃষক সকলক বিভক্ত কৰিছে, ইয়াৰ অৰ্থ এইটো যে হাজাৰ হাজাৰ প্ৰতিবাদকাৰী সকলৰ ভিতৰত এজনো কৃষক নাই ৷ যদি প্ৰকৃততে তেওঁলোক কৃষক নহয় তেন্তে চৰকাৰে তেওঁলোকৰ সৈতে আলোচনাত কিয় মিলিত হৈছে?’