নিউজ ডেস্ক, 10 ডিচেম্বৰ : অৱশেষত অন্ত পৰিল ছত্তীশগড়ৰ নতুন মুখ্যমন্ত্ৰী সন্দৰ্ভত চলি থকা স্থবিৰতাৰ ৷ দেওবাৰে ৰায়পুৰত অনুষ্ঠিত হয় বিজেপিৰ বিধানয়িনী দলৰ বৈঠক ৷ বিষ্ণুদেৱ সাই হ’ব ছত্তীশগড়ৰ পৰৱৰ্তী তথা নতুন মুখ্যমন্ত্ৰী ৷
ৰায়পুৰত উপস্থিত বিজেপিৰ কেন্দ্ৰীয় পৰ্যবেক্ষক :
ছত্তীশগড়ৰ নতুন মুখ্যমন্ত্ৰীৰ সম্পৰ্কত সিদ্ধান্ত ল’বলৈ ৰায়পুৰত দেওবাৰে উপস্থিত হয় বিজেপিৰ কেন্দ্ৰীয় পৰ্যবেক্ষক ৷ কেন্দ্ৰীয় পৰ্যবেক্ষক হিচাবে ৰাজ্যখনত উপস্থিত হয় কেন্দ্ৰীয় মন্ত্ৰী সৰ্বানন্দ সোণোৱাল, অৰ্জুন মুণ্ডা আৰু বিজেপিৰ ৰাষ্ট্ৰীয় সাধাৰণ সম্পাদক দুষ্যন্ত গৌতম ৷
ৰায়পুৰ বিমানবন্দত উপস্থিত হোৱাৰ লগে লগে তিনিওগৰাকী কেন্দ্ৰীয় পৰ্যবেক্ষকক বিজেপিৰ নেতা-কৰ্মীসকলে এক উষ্ম আদৰণি জনায় ৷ ইয়াৰ পিছত তেওঁলোকৰ কনভয় বিজেপিৰ ৰাজ্যিক কাৰ্যালয়ত উপস্থিত হয় ৷ ছত্তীশগড়ৰ ৰাজ্যিক বিজেপিৰ মুৰব্বী অৰুণ সাওৱে ৰায়পুৰৰ বিজেপিৰ ৰাজ্যিক কাৰ্যালয়ত কেন্দ্ৰীয় পৰ্যবেক্ষকক আদৰণি জনায় ৷
নতুন মুখ্যমন্ত্ৰীক লৈ অৰ্জুন মুণ্ডাৰ বক্তব্য-
ছত্তীশগড়ৰ নতুন মুখ্যমন্ত্ৰী সন্দৰ্ভত কেন্দ্ৰীয় মন্ত্ৰী অৰ্জুন মুণ্ডাৰ এক বিবৃতি প্ৰকাশ পাইছে ৷ ঝাৰখণ্ডৰ খুঁটিৰ পৰা ৰায়পুৰলৈ ৰাওনা হোৱাৰ সময়ত সংবাদ মাধ্যমৰ সৈতে হোৱা এক সাক্ষাৎকাৰত তেওঁ কয়, "নিৰপেক্ষ সংখ্যাগৰিষ্ঠতা পোৱাৰ পিছত চৰকাৰ গঠনৰ সময় আহি পৰিছে ৷ বিধায়িনী দলৰ বৈঠক হ'ব আৰু নেতা নিৰ্বাচিত হ'ব ৷ অন্যান্য আনুষ্ঠানিকতা হ'ব ৷ সকলোবোৰ সোনকালেই সম্পূৰ্ণ হ'ব ৷"
বিষ্ণুদেৱ সাইৰ ৰাজনৈতিক যাত্ৰা
1. কুংকুৰি বিধানসভাৰ আসনৰ পৰা জয়ী
2. বিষ্ণুদেৱ সাই জনজাতীয় সম্প্ৰদায়ৰ
3. সাই সাংসদ আৰু কেন্দ্ৰীয় মন্ত্ৰীৰ পদতো অধীষ্ঠত হৈছে