নেশ্যনেল ডেস্ক, ১১ নৱেম্বৰ :চেন্নাইৰ অৰিগনাৰ আন্না জুলজিকেল পাৰ্ক (AAZP)ক ভাণ্ডালুৰ চিৰিয়াখানা বুলিও জনা যায় । এতিয়া জম্মু-কাশ্মীৰৰ জাম্বু চিৰিয়াখানাৰ পৰা অনা এযোৰ ক’লা ভালুক ইয়াতে ৰখা হ’ব । জম্মু তাৱী আৰু এম জি আৰ চেন্নাই চেণ্ট্ৰেলৰ মাজত আন্দামান এক্সপ্ৰেছৰ সৈতে সংলগ্ন বিশেষ ডবাৰ যোগেদি আহি উপস্থিত হয় ভালুক ।
জাম্বু চিৰিয়াখানাৰ ক’লা ভালুকে শুৱনি কৰিব ভাণ্ডালুৰ চিৰিয়াখানা শুকুৰবাৰে জম্মু-কাশ্মীৰৰ জাম্বু চিৰিয়াখানাৰ পৰা বন্যপ্ৰাণী বিনিময়ৰ অধীনত পশু বিনিময় কাৰ্যসূচীৰ অধীনত চিৰিয়াখানা পৰিচালনা সমিতিয়ে আনিছিল । এই বিনিময়ত ভাণ্ডালুৰ চিৰিয়াখানাৰ পৰা এযোৰ ৰয়েল বেংগল টাইগাৰ পঠোৱাৰ পৰিকল্পনা কৰা হৈছে ।
তথ্য অনুসৰি, অহা ১৫ নৱেম্বৰত এই বাঘক ভাৰতৰ আটাইতকৈ ডাঙৰ আৰু পুৰণি জম্বু চিৰিয়াখানালৈ প্ৰেৰণ কৰা হ’ব । এই সন্দৰ্ভত ভাণ্ডালুৰ চিৰিয়াখানাৰ সঞ্চালক শ্ৰীনিবাস আৰ ৰেড্ডীয়ে ভাণ্ডালুৰ চিৰিয়াখানাৰ বিশেষকৈ বাঘৰ বাবে বন্দী প্ৰজনন কাৰ্যসূচীৰ সফলতাৰ ওপৰত আলোকপাত কৰে ।
তেওঁ কয় যে জিনীয় বৈচিত্ৰ বজাই ৰখাৰ লক্ষ্যৰে এক বিস্তৃত পশু বিনিময় কাৰ্যসূচীৰ অংশ হিচাপে প্ৰায়ে অন্য চিৰিয়াখানাৰ সৈতে বাঘৰ বিনিময় কৰা হয় । ভাৰতীয় কেন্দ্ৰীয় চিৰিয়াখানা প্ৰাধিকৰণৰ নিয়ম অনুসৰি জাম্বু চিৰিয়াখানাৰ পৰা এযোৰ হিমালয়ৰ ক’লা ভালুক (Selenarctos thibetanus) AAZP লৈ অনা হৈছিল ।
এই সময়ছোৱাত বন ৰেঞ্জৰ বিষয়া আৰু জম্বু চিৰিয়াখানাৰ কৰ্মচাৰীৰ লগতে পশু চিকিৎসা সহায়ককে ধৰি তেওঁলোকে ভালুকবোৰ অনাৰ ক্ষেত্ৰত গুৰুত্বপূৰ্ণ ভূমিকা পালন কৰিছিল । তেওঁ আৰু কয় যে ভাণ্ডালুৰ চিৰিয়াখানালৈ অনা ক’লা ভালুকৰ যুটিৰ স্বাস্থ্য পৰীক্ষা কৰা হয় পশু চিকিৎসা সহকাৰী অস্ত্ৰোপচাৰ বিশেষজ্ঞৰ দ্বাৰা ।
বৰ্তমান ভালুককেইটাক আছুতীয়াকৈ অৰ্থাৎ কোৱাৰেণ্টাইনত ৰখা হৈছে । নিৰ্দিষ্ট সময়ৰ পিচত এই ভালুকবোৰক চিৰিয়াখানাত ৰখা হ’ব ৷ যাতে মানুহে চাব পাৰে । ইয়াৰ দ্বাৰা চিৰিয়াখানাত চলি থকা সংৰক্ষণ প্ৰচেষ্টা আৰু শিক্ষামূলক কাৰ্যসূচীত অৰিহণা যোগাব ।
লগতে পঢ়ক :Removal of duplicate entries in electoral rolls : ভোটাৰ তালিকাৰ নকল প্ৰৱেশ সম্পৰ্কীয় আবেদনৰ শুনানি গ্ৰহণত সন্মত উচ্চতম ন্যায়ালয়
