নেশ্যনেল ডেস্ক, 18 ডিচেম্বৰ: বিহাৰত মৃত্যুৰ কিৰিলি (Bihar Hooch Tragedy)৷ বিহাৰৰ চাপ্ৰাত বিষাক্ত সুৰাপান কৰাৰ ফলত মৃত্যুৰ হোৱাৰ সংখ্যা নিৰন্তৰে বৃদ্ধি হৈ আছে (Chapra Hooch Tragedy)৷ এতিয়ালৈকে বিষাক্ত সুৰাপান কৰাৰ ফলত মৃত্যু হোৱাৰ সংখ্যা 75 জনলৈ বৃদ্ধি হৈছে (75 dead in Bihar Hooch Tragedy)৷ আনহাতে জিলা প্ৰশাসনে সন্দেহজনক সুৰাপান কৰাৰ ফলত 67 জনৰ মৃত্যু নিশ্চিত কৰিছে ৷ বিহাৰৰ চাৰণ, মাৰহৌৰা, ইচুয়াপুৰ আৰু আমানৰ ব্লকৰ মাশ্ৰাক আৰক্ষী থানা অঞ্চলত এই ভয়ংকৰ ঘটনা সংঘটিত হৈছিল (suspected death due to poisonous liquor) ৷
এই গোচৰটোৰ তদন্তৰ বাবে এটা বিশেষ অনুসন্ধান দল (এছ.আই.টি.) গঠন কৰা হৈছে ৷ এই দলটোৱে সমগ্ৰ ঘটনাৰ তদন্তত অব্যাহত হৈ আছে (75 people died from poisonous liquor) ৷ চাৰণ জিলা প্ৰশাসনে মৃতদেকেইটাৰ মৰণোত্তৰ পৰীক্ষা কৰিবলৈ প্ৰেৰণ কৰিছে যদিও এতিয়াও মৰণোত্তৰ পৰীক্ষা ফলাফল আহি পোৱা নাই ৷
ভুক্তভোগীসকলে আৰক্ষীক জনোৱা অনুসৰি মাশ্ৰাক বজাৰৰ পৰা সুৰা ক্ৰয় কৰিছিল ৷ ৰাজ্য চৰকাৰৰ এটা উচ্চ পৰ্যায়ৰ দলেও বিষয়টো অনুসন্ধান কৰিবলৈ ছাপ্ৰাত উপস্থিত হৈছে ৷ আৰক্ষী সুৰাসমূহ পৰীক্ষা কৰিছিল যদিও বৃহৎ পৰিমাণৰ অনিয়ম পোৱা গৈছিল ৷ আৰক্ষীয়ে সেই ঠাইৰ পৰা কোনো সুৰাভৰ্তি ড্ৰাম পোৱা নাই বুলি কৈছিল ৷ যুটীয়া আয়ুক্ত কৃষ্ণ পাছৱান আৰু উপ সচিব আবকাৰী বিভাগ নিৰঞ্জন কুমাৰ বিষয়টোৰ তদন্ত কৰিবলৈ মাশ্ৰাকত উপস্থিত হৈছিল ৷
এই ঘটনা সন্দৰ্ভত সম্প্ৰতি বিস্ফোৰক তথ্য পোহৰলৈ আহিছে ৷ চৰকাৰী সূত্ৰ অনুসৰি বিষাক্ত সুৰা আৰক্ষী থানাৰ পৰাই নোহোৱা হৈছিল ৷ এই তথ্য এতিয়া ৰাজ্য চৰকাৰকো অৱগত কৰা হৈছে ৷ ইয়াৰ পিছতে তদন্ত আৰম্ভ কৰিছে ৷ দৰাচলতে, মাশ্ৰাক আৰক্ষী থানাৰ আবকাৰী বিভাগে বৃহৎ পৰিমাণৰ কেঁচা সুৰা জব্দ কৰিছিল আৰু ইয়াক ধ্বংসৰ কৰিবৰ বাবে মজুত কৰি ৰাখিছিল ৷