নেশ্যনেল ডেস্ক, 25 মাৰ্চ : উত্তৰ-পূবৰ তিনিখনকৈ ৰাজ্যত সশস্ত্ৰ বাহিনী বিশেষ ক্ষমতা আইন, 1958 চমুকৈ AFSPA (আৰ্মড ফ’ৰ্চেচ স্পেচিয়েল এক্ট) বলৱতৰ পৰিসীমা সংকোচিত কৰিছে কেন্দ্ৰীয় চৰকাৰে ৷ কেন্দ্ৰীয় গৃহমন্ত্ৰী অমিত শ্বাহে শনিবাৰে এক টুইটযোগে সদৰী কৰিছে এই তথ্য ৷ লগতে তেওঁ উত্তৰ-পূৰ্বাঞ্চলৰ নিৰাপত্তাৰ দিশটো উন্নত হোৱাৰ প্ৰতি লক্ষ্য ৰাখি এই সিদ্ধান্ত লোৱা হৈছে বুলিও উল্লেখ কৰে (AFSPA extended in NE states) ।
কেন্দ্ৰীয় গৃহমন্ত্ৰীগৰাকীয়ে টুইটযোগে কয়, ‘‘উত্তৰ-পূৰ্বাঞ্চলৰ বাবে এয়া এক ঐতিহাসিক দিন ! প্ৰধানমন্ত্ৰী নৰেন্দ্ৰ মোডী নেতৃত্বাধীন চৰকাৰে পুনৰবাৰ AFSPA ৰ অধীনত অসম, নাগালেণ্ড আৰু মণিপুৰৰ অশান্ত অঞ্চলৰ পৰিসীমা হ্ৰাস কৰিছে ৷” (Disturbed areas decreased in NE states)
তেওঁ আৰু কয়, ‘‘ভাৰতৰ ইতিহাসত প্ৰথমবাৰৰ বাবে প্ৰধানমন্ত্ৰী মোডীয়ে উত্তৰ-পূবৰ নিৰাপত্তা, শান্তি আৰু উন্নয়নক অগ্ৰাধিকাৰ দিছিল ৷ ইয়াৰ বাবেই অঞ্চলটো এতিয়া শান্তি আৰু উন্নয়নৰ পথত দ্ৰুতগতিত আগবাঢ়িছে’’ । উত্তৰ-পূৰ্বাঞ্চলৰ জনসাধাৰণৰ জীৱনলৈ ইতিবাচক পৰিৱৰ্তন আনি অঞ্চলটোক ভাৰতৰ বাকী অংশৰ সৈতে সংযোগ কৰাৰ বাবে প্ৰধানমন্ত্ৰীগৰাকীক ধন্যবাদ জ্ঞাপন কৰে গৃহমন্ত্ৰী অমিত শ্বাহে ।
লগতে পঢ়ক : Jal Jeevan Mission; ২০২৪ চনৰ ৩১ মাৰ্চৰ আগত জল জীৱন মিছনৰ কাম সম্পন্ন কৰিব নোৱাৰা ঠিকাদাৰ ব্লেকলিষ্টেড হ’ব : মুখ্যমন্ত্ৰী
গৃহমন্ত্ৰীগৰাকীয়ে কয়, ‘‘এই বিশেষ অনুষ্ঠানত উত্তৰ-পূবৰ আমাৰ ভগ্নী-ভাইসকললৈ শুভেচ্ছা জনাইছো’’ । লগতে গৃহমন্ত্ৰী অমিত শ্বাহে ঘোষণা কৰে যে নিৰাপত্তা পৰিস্থিতিৰ যথেষ্ট উন্নতিৰ ফলত 2023 চনৰ 1 এপ্ৰিলৰ পৰা অসমৰ 9 খন জিলাৰ পৰিৱৰ্তে 8 খন জিলাতহে এই কঠোৰ আইন বলবৎ কৰা হ’ব । ইফালে কেন্দ্ৰীয় গৃহমন্ত্ৰী অমিত শ্বাহে টুইটাৰযোগে সদৰী কৰা এই প্ৰসংগক অসমৰ মুখ্যমন্ত্ৰী ড৹ হিমন্ত বিশ্ব শৰ্মায়ো শলাগ জনায় (Himanta Biswa Sarma on AFSPA extension) ৷
কেন্দ্ৰীয় চৰকাৰে সশস্ত্ৰ বাহিনীৰ (বিশেষ ক্ষমতা) আইন, ১৯৫৮ ৰ অধীনত অৰুণাচল আৰু নাগালেণ্ডৰ কিছু অংশৰ "আশান্তি জৰ্জৰ এলেকাৰ" মৰ্যাদা ছমাহৰ বাবে বৃদ্ধি কৰিছে । কেন্দ্ৰীয় গৃহ পৰিক্ৰমা মন্ত্ৰালয়ে শুকুৰবাৰে দুখন পৃথক অধিসূচনাযোগে উল্লেখ কৰে যে, দুয়োখন ৰাজ্যৰ আইন-শৃংখলাৰ পৰিস্থিতি পুনৰীক্ষণ কৰি এই সিদ্ধান্ত গ্ৰহণ কৰা হৈছে (AFSPA imposed in North East India)।
AFSPA ই নিৰাপত্তা বাহিনীক ৱাৰেণ্ট অবিহনে কোনো ব্যক্তিক গ্ৰেপ্তাৰ কৰাৰ লগতে ৱাৰেণ্ট অবিহনে চৌহদত প্ৰৱেশ বা তালাচীৰ লগতে আন কিছুমান কাৰ্যৰ ক্ষমতা প্ৰদান কৰে । ২৪ মাৰ্চৰ গৃহবিভাগৰ অধিসূচনাত উল্লেখ কৰা হৈছে যে অৰুণালচল টিৰাপ, চাংলাং আৰু লংডিং জিলাত ১ এপ্ৰিলৰ পৰা ৩০ ছেপ্টেম্বৰলৈ AFSPA ৰ ম্যাদ বৃদ্ধি কৰা হৈছে ।
তদুপৰি অসমৰ সীমান্তৱৰ্তী অৰুণাচল প্ৰদেশৰ নামচাই জিলাৰ নামচাই, মহাদেৱপুৰ আৰু চৌখাম থানাৰ অন্তৰ্গত অঞ্চলসমূহতো ভাৰত চৰকাৰে AFSPA সম্প্ৰসাৰণ কৰিছে । ইয়াৰ পূৰ্বে কেন্দ্ৰীয় চৰকাৰে সশস্ত্ৰ বাহিনীৰ (বিশেষ ক্ষমতা) আইন, ১৯৫৮ ৰ (১৯৫৮ চনৰ ২৮) ধাৰা ৩ ৰ দ্বাৰা প্ৰদান কৰা ক্ষমতা প্ৰয়োগ কৰি অৰুণাচল প্ৰদেশৰ টিৰাপ, চাংলাং আৰু লংডিং জিলাৰ লগতে অসমৰ সীমান্তৱৰ্তী অৰুণাচল প্ৰদেশৰ নামছাই জিলাৰ নামচাই আৰু মহাদেৱপুৰ থানাৰ অধীনৰ অঞ্চলক ২০২২ চনৰ ১ এপ্ৰিলৰ পৰা ৩০ ছেপ্টেম্বৰলৈ ছমাহৰ বাবে ‘অশান্ত অঞ্চল’ ঘোষণা কৰিছিল (AFSPA extended in Arunachal) ৷
লগতে পঢ়ক :Rahul Gandhi Press conference : সাংবাদিকক কিয় সমালোচনা কৰিলে ৰাহুল গান্ধীয়ে ?
গৃহ মন্ত্ৰণালয়ৰ অধিসূচনাত এই কথাও উল্লেখ কৰা হৈছে যে, নাগালেণ্ডৰ আন পাঁচখন জিলাৰ অন্তৰ্গত ২১ খন থানা আৰু আঠখন জিলাতো এইবাৰ ১ এপ্ৰিলৰ পৰা ৩০ ছেপ্টেম্বৰলৈকে কাৰ্যকৰী হোৱাকৈ ছমাহৰ বাবে "অশান্ত অঞ্চল" হিচাপে ঘোষণা কৰাৰ পিচত AFSPAৰ ম্যাদ বৃদ্ধি কৰা হৈছে ৷ নাগালেণ্ডৰ ডিমাপুৰ, নিউলেণ্ড, চুমৌকেডিমা, মন, কিফিৰে, নোক্লক, ফেক, আৰু পেৰেন জিলাত আগন্তুক ছমাহৰ বাবে AFSPAৰ ম্যাদ বৃদ্ধি কৰা হৈছে (AFSPA extended in Nagaland) ।
ইয়াৰ উপৰিও নাগালেণ্ডৰ পাঁচখন জিলাৰ ২১ খন আৰক্ষী থানাৰ অন্তৰ্গত অঞ্চলসমূহত AFSPAৰ সম্প্ৰসাৰণ কৰা হৈছে ৷ ইয়াৰ ভিতৰত জুনহেবোটো আৰু মকোকচুং জিলাত ছখনকৈ আৰক্ষী থানা, কহিমাৰ পাঁচখন আৰক্ষী থানা, ৱোখাত তিনিখন থানা আৰু লংলেং জিলাৰ ইয়াংলক থানা ।
ইয়াৰ পূৰ্বে কেন্দ্ৰীয় চৰকাৰে সশস্ত্ৰ বাহিনীৰ (বিশেষ ক্ষমতা) আইন, ১৯৫৮ (১৯৫৮ চনৰ ২৮) ধাৰাত ৩ নং ধাৰাত প্ৰদান কৰা ক্ষমতা প্ৰয়োগ কৰি নাগালেণ্ডৰ ৯ খন জিলা আৰু আন চাৰিখন জিলাৰ ১৬ খন আৰক্ষী থানাক ‘অশান্ত অঞ্চল’ হিচাপে ঘোষণা কৰিছিল । ২০২২ চনৰ ১ অক্টোবৰৰ পৰা ২০২২ চনৰ ৩০ ছেপ্টেম্বৰলৈকে ছমাহৰ বাবে AFSPA বলৱৎ কৰা হৈছিল সেইকেইখন জিলাত (AFSPA extended for six months in NE) ৷
লগতে পঢ়ক :Article 370 in JK : অনুচ্ছেদ ৩৭০ জম্মু-কাশ্মীৰৰ উন্নয়নৰ বাবে আছিল মূল বাধা: কেন্দ্ৰীয় মন্ত্ৰী আঠৱালে
