নিউজ ডেস্ক, 5 জুলাই: হোটেল বা ৰেস্তোৰাঁত আপোনাৰ সঘনাই অহা-যোৱাৰ অভ্যাস আছে নেকি ? হোটেল বা ৰেস্তোঁৰাসমূহত অত্যাধিক ছাৰ্ভিছ টেক্স আৰোপ কৰাৰ ফলত নিৰ্ধাৰিত মূল্যতকৈ অত্যাধিক ধন ভৰিব লাগে গ্ৰাহকে ৷ এতিয়াৰ পৰা হোটেল বা ৰেস্তোৰাঁত খাদ্যৰ বিলত সেৱা মাচুল পৰিশোধ কৰিব নালাগে গ্ৰাহকে ৷
কেন্দ্ৰীয় উপভোক্তা সুৰক্ষা প্ৰাধিকৰণে সোমবাৰে হোটেল বা ৰেস্তোঁৰসমূহত স্বয়ংক্ৰিয়ভাৱে বা ভুলৱশতঃ খাদ্যৰ বিলত সেৱা মাচুল তথা ছাৰ্ভিছ ছাৰ্জ লগোৱাত নিষেধাজ্ঞা জাৰি কৰে (Central Consumer Protection Authority issued new rules)৷ একাংশ অসাধু হোটেল অথবা ৰেস্তোঁৰাৰ স্বত্বাধিকাৰীয়ে উপভোক্তাৰ এই অধিকাৰক উলংঘন কৰিলে ইয়াৰ বিৰুদ্ধে অভিযোগ দাখিল কৰিব পাৰিব বুলি জাননীখনত উল্লেখ আছে (New rules for restaurants) ৷