নেশ্যনেল ডেস্ক, ৮ মে':ছত্তীশগড়ৰ ২০০০ কোটি টকাৰ সুৰা কেলেংকাৰীৰ অভিযোগক লৈ ৰাজনৈতিক পৰিৱেশ গৰম হৈ আছে (Chhattisgarh liquor scam)। ছত্তীশগড়ৰ মুখ্যমন্ত্ৰী ভূপেশ বাঘেলে দাবী কৰা মতে বিজেপি চৰকাৰে ২০১৭ চনত সুৰা নীতি আনিছিল । তেওঁৰ মতে ইডিৰ অভিযোগবোৰ মনে সজা । মুখ্যমন্ত্ৰী ভূপেশ বাঘেলে লগতে অভিযোগ কৰে যে, কেন্দ্ৰীয় তদন্তকাৰী সংস্থাবোৰে বিজেপিৰ ৰাজনৈতিক এজেণ্ট হিচাপে কাম কৰি আছে । বাঘেলৰ মতে ইডিৰ কাম হৈছে নিৰ্বাচনত বিজেপিক সহায় কৰা ।
ছত্তীশগড়ত ইডিৰ অভিযান সন্দৰ্ভত মুখ্যমন্ত্ৰীয়ে স্পষ্টভাৱে কয় যে ৰাজ্যখনৰ জনসাধাৰণে ইডিৰ কাৰ্যকলাপক ভয় নকৰে (Chhattisgarh CM on liquor scam)। বাঘেলৰ মতে ইডিৰ ষড়যন্ত্ৰবোৰ আগতেই উন্মোচিত হৈছিল । তেওঁ দাবী কৰা মতে ছত্তীশগড়ৰ কংগ্ৰেছ চৰকাৰে মানুহৰ ৰাজহ আৰু উপাৰ্জন দুয়োটাই বৃদ্ধি কৰি আছে । মুখ্যমন্ত্ৰীৰ মতে চৰকাৰৰ এই প্ৰচেষ্টা বন্ধ নহয় ।
মুখ্যমন্ত্ৰী বাঘেলে লগতে টুইট কৰি কয় যে, তেওঁ পূৰ্বেই কৈছিল যে নিৰ্বাচন অহাৰ লগে লগে ইডি-আইটিয়ে ছত্তীশগড়ত বাহৰ পাতিব আৰু ষড়যন্ত্ৰ ৰচিব । সুৰা নিগমৰ জৰিয়তে সুৰা বিক্ৰী কৰাৰ নীতি বিজেপিৰ শাসনকালত প্ৰস্তুত কৰা হৈছিল (Bhupesh Baghel slams BJP)। ২০১৭-১৮ বৰ্ষত, আবকাৰীৰ পৰা ৩,৯০০ কোটি টকা লাভ কৰা গৈছিল । কংগ্ৰেছৰ কাৰ্যকালত এই ৰাজহ ৬,০০০ কোটি টকালৈ বৃদ্ধি পাইছে বুলিও তেওঁ দাবী কৰে ।