নেশ্যেনেল ডেস্ক, 26 ফেব্ৰুৱাৰী: দিল্লীৰ উপ-মুখ্যমন্ত্ৰী মনীষ চিছোদিয়াক আজি পুনৰ জেৰা চলাব কেন্দ্ৰীয় তদন্তকাৰী সংস্থাই ৷ পূৰ্বৰ আবকাৰী নীতিৰ গোচৰ সন্দৰ্ভত জেৰাৰ সন্মুখীন হ’ব মনীষ চিছোদিয়া (Manish Sisodia) ৷ যাৰ বাবে দেওবাৰে পুৱাৰে পৰা মনীষ চিছোদিয়াৰ বাসগৃহৰ বাহিৰত মোতায়েন কৰা হৈছে বৃহৎ সংখ্যক নিৰাপত্তাৰক্ষী ৷ সমান্তৰালভাৱে চিছোদিয়াৰ বাসগৃহৰ সন্মুখত ভিৰ কৰিছে অসংখ্য আপৰ সমৰ্থকে (Delhi liquor policy case) ৷
পুনৰ চিবিআইৰ জেৰাৰ সন্মুখীন হ’ব লগা হোৱা সন্দৰ্ভত মনীষ চিছোদিয়াই টুইটযোগে প্ৰতিক্ৰিয়া প্ৰকাশ কৰি কয়, ‘‘আজি মই পুনৰ চিবিআইৰ কাৰ্যালয়লৈ গৈছোঁ ৷ মই তদন্তত সম্পূৰ্ণৰূপে সহযোগিতা কৰিম । লাখ লাখ শিশুৰ মৰম আৰু কোটি কোটি দেশবাসীৰ আশীৰ্বাদ মোৰ সৈতে আছে । মই কেইমাহমান কাৰাগাৰত থাকিব লগা হ'লেও কোনো গুৰুত্ব নিদিওঁ । মই ভগত সিঙৰ অনুগামী, ভগত সিঙক দেশৰ বাবে ফাঁচী দিয়া হৈছিল । এনে মিছা অভিযোগৰ বাবে কাৰাগাৰলৈ যোৱাটো এটা সৰু কথা (Sisodia excise policy case) ৷’’
অৱশ্যে দিল্লীৰ প্ৰধানমন্ত্ৰী অৰবিন্দ কেজৰিৱালে মনীষ চিছোদিয়া গ্ৰেপ্তাৰ হোৱাৰ সম্ভাৱনাক নস্যাৎ কৰিছে (Arvind Kejriwal on Manish Sisodia) ৷ মনীষ চিছোদিয়াক আবকাৰী নীতিৰ ভুৱা গোচৰত বিজেপি চৰকাৰে হাৰাশাস্তি কৰি থকা বুলি অভিযোগ উত্থাপন কৰিছে আম আদমী পাৰ্টীয়ে ৷ বিজেপি চৰকাৰে একনায়কত্ববাদী শাসন চলোৱাৰো অভিযোগ আপৰ কৰ্মীসকলৰ ৷
আনহাতে, আপৰ নেতাই মনীষ চিছোদিয়াক কেন্দ্ৰীয় তদন্তকাৰী সংস্থাই গ্ৰেপ্তাৰ কৰিবলৈ প্ৰেচেষ্টা চলাই থকা বুলিও অভিযোগ উত্থাপন কৰিছে ৷ লগতে ইয়াক বিজেপিৰ ৰাজনৈতিক প্ৰতিশোধ বুলি অভিহিত কৰিছে ৷ ইফালে, নতুন দিল্লীৰ কোনো সুৰা কেলেংকাৰী সংঘটিত হোৱা নাই বুলি দাবী কৰিছে মুখ্যমন্ত্ৰী অৰবিন্দ কেজৰিৱালে (Delhi liquor scam) ৷ CBIৰ চাৰ্জশ্বীটত মনীষ চিছোদিয়াৰ নাম উল্লেখ নাই বুলিও মন্তব্য কেজৰিৱালৰ ৷ উল্লেখ্য যে, চাৰ্জশ্বীটত নাম থকা 7 গৰাকী লোকৰ ভিতৰত বিজয় নায়াৰ নামৰ এগৰাকী ব্যৱসায়ীক ইতিমধ্যেই গ্ৰেপ্তাৰ কৰিছে CBI য়ে ৷
লগতে মুখ্যমন্ত্ৰী অৰবিন্দ কেজৰিৱালে কয় যে, সমাজৰ বাবে কাৰগাৰলৈ যোৱাটো কোনো অভিশাপ নহয়, বৰঞ্চ ই গৌৰৱৰ কথা ৷ লগতে কেজৰিৱালে টুইটযোগে কয়, ‘‘ মনীষ চিছোদিয়াৰ সৈতে ভগৱান আছে ৷ লাখ লাখ শিশু আৰু অভিভাৱকৰ আশীৰ্বাদ আপোনাৰ লগত আছে ৷ যেতিয়া আপুনি দেশৰ বাবে কাৰাগাৰলৈ যায়, ই অভিশাপ নহয়, গৌৰৱৰ বিষয় ৷ প্ৰাৰ্থনা কৰিছোঁ যে, আপুনি শীঘ্ৰেই কাৰাগৰৰ পৰা উভতি আহিব ৷ আমি সকলোৱে আপোনাৰ বাবে অপেক্ষা কৰিম (CBI summon to Sisodia) ৷’’
উল্লেখ্য যে, CBIৰ কাৰ্যালয়লৈ যোৱাৰ প্ৰাকক্ষণত আমৰ কৰ্মীসকলক সম্বোধন কৰে উপ-মুখ্যমন্ত্ৰী মনীষ চিছোদিয়াই ৷ ইয়াৰ পাচতেই ৰাজঘাটত উপস্থিত হৈ মহাত্মা গান্ধীৰ সমাধিত আগবঢ়াই সেৱা ৷ টুইটাৰযোগে, সেই ভিডিঅ’ শ্বেয়াৰ কৰিছে দিল্লীৰ উপ-মুখ্যমন্ত্ৰীগৰাকীয়ে ৷
লগতে পঢ়ক:CBI raids Delhi Deputy CM office: দিল্লীৰ উপ-মুখ্যমন্ত্ৰীৰ কাৰ্যালয়ত আকৌ চিবিআইৰ অভিযান
