নিউজ ডেস্ক, 8 অক্টোবৰ : নাইনিতালত সংঘটিত এক ভয়ংকৰ পথ দুৰ্ঘটনা ৷ নিয়ন্ত্ৰণহীন হৈ এখন বাছ দ খাৱৈত বাগৰি পৰে ৷ এই দুৰ্ঘটনা সংঘটিত হৈছে নাইনিতাল-কলাধুংগী পথৰ নলনীত ৷ জানিব পৰা মতে বাছখনত ৩২ জন যাত্ৰী আছিল ৷ এই পৰ্যন্ত ৭ জন লোকৰ মৃত্যু হোৱা বুলি জানিব পৰা গৈছে ৷ মৃতকৰ সংখ্যা বৃদ্ধি পোৱাৰ সম্ভাৱনা আছে ৷ বৰ্তমান আহতসকলক উদ্ধাৰ কৰা হৈছে ৷
দেওবাৰৰ দিনটো উত্তৰাখণ্ডত দুৰ্ঘটনা সংঘটিত হোৱাৰ দিন আছিল বুলি ধাৰণা কৰা হৈছে ৷ কিয়নো দেওবাৰৰ দিনটোতে ৰাজ্যখনত কেইবাটাও ভয়ংকৰ দুৰ্ঘটনা সংঘটিত হৈছে ৷ ইফালে পিথুৰাগড়ত বলেৰ’ বাহনৰ ওপৰত শিল পৰি ৮ জন লোকক পুতি পেলোৱাৰ খবৰ পোৱা গৈছে, লগতে নাইনিতাল জিলাত এখন বাছ খাৱৈত বাগৰি পৰে ৷
নাইনিতাল আৰক্ষীয়ে জনোৱা মতে, কালাধুংগী পথৰ নলনীত এখন ব্যক্তিগত বাছ দুৰ্ঘটনাগ্ৰস্ত হয় ৷ য’ত লাভ কৰা তথ্য অনুসৰি প্ৰায় ৩২ জন যাত্ৰী আছিল ৷ দুৰ্ঘটনাটোৰ তথ্য পোৱাৰ লগে লগে আৰক্ষী আৰু এছডিআৰএফৰ দল সেই স্থানত উপস্থিত হয় ৷ যিসকল উদ্ধাৰ অভিযানত নিয়োজিত হৈছে ৷