আগৰতলা,১৬ ডিচেম্বৰ :ত্ৰিপুৰাৰ সীমান্তৱৰ্তী অঞ্চলত ড্ৰাগছ, নিচাজাতীয় দ্ৰব্য, চোৰাং গৰু আদিৰ বিৰুদ্ধে বিএছএফৰ অভিযান অব্যাহত আছে । ইতিমধ্যে ভাৰত-বাংলা সীমান্তৰ বিভিন্ন স্থানত চলিত বছৰটোত বিএছএফে অভিযান চলাই জব্দ কৰিছে বহুত পৰিমাণৰ নিষিদ্ধ সামগ্ৰী । তেনে এক অভিযানৰ মাজতে পুনৰ ত্ৰিপুৰাৰ সীমান্তত জব্দ নিষিদ্ধ গাঞ্জা (Ganja seized on Tripura border)।
শেহতীয়াকৈ বিএছএফ আৰু আন সহযোগী সংস্থাৰ যুটীয়া অভিযানত ধ্বংস কৰা হয় প্ৰায় ২০ হাজাৰ জোপা গাঞ্জা । যোৱা ১৪ আৰু ১৫ ডিচেম্বৰত চলা এই অভিযানত বিভিন্ন স্থানৰ পৰা দলটোৱে ১৩৪ কেজি গাঞ্জাৰ লগতে ৫৯ টা সুৰাৰ বটল, ৩০ টা ফেঞ্চিডাইলৰ বটল আৰু ৬ টাকৈ চোৰাং গৰু জব্দ কৰিবলৈ সক্ষম হয় । দুটা দিনত চলা অভিযানত জব্দ হোৱা গৰু আৰু নিষিদ্ধ সামগ্ৰীখিনিৰ মূল্য প্ৰায় ২৩ লাখ ৬৮ হাজাৰ ৫৮০ টকা হ'ব বুলি জানিব পৰা গৈছে ।