নেশ্যনেল ডেস্ক, 23 এপ্ৰিল :ৰাষ্ট্ৰীয় জনতা দলৰ নেতাই বিজেপি দলৰ বিৰুদ্ধে তুলিছে গুৰুতৰ অভিযোগ ৷ বৃহস্পতিবাৰৰ দিনটোত সংঘটিত হোৱা পুঞ্চ ঘটনাৰ সৈতে চৰকাৰক সাঙুৰিলে ৰাষ্ট্ৰীয় জনতা দলৰ নেতা ভাই বীৰেন্দ্ৰই ৷ যি কথাই দেশৰ ৰাজনীতিত লাভ কৰিছে বিশেষ চৰ্চা (Rashtriya Janata Dal leader Bhai Virendra) ৷
ৰাষ্ট্ৰীয় জনতা দলৰ নেতা ভাই বীৰেন্দ্ৰই ভাৰতীয় জনতা পাৰ্টি নেতৃত্বাধীন কেন্দ্ৰীয় চৰকাৰে পুঞ্চত সংঘটিত সন্ত্ৰাসবাদী আক্ৰমণৰ ষড়যন্ত্ৰ কৰাৰ বিস্ফোৰক অভিযোগ উত্থাপন কৰিছে, যাৰ ফলত পাঁচজন ভাৰতীয় জোৱানৰ মৃত্যু হৈছে । সংবাদ মাধ্যমৰ সৈতে হোৱা কথা-বতৰাত বীৰেন্দ্ৰই কয় যে, পুঞ্চ ঘটনাৰ সৈতে পুলৱামা ঘটনাৰ যথেষ্ট মিল আছে । ইয়াত কেন্দ্ৰীয় চৰকাৰৰ ষড়যন্ত্ৰ স্পষ্টকৈ দেখা গৈছে (RJD leader Bhai Virendra allegation on BJP) ।
ইয়াৰোপৰি, চৰকাৰখনে ব্ৰিটিছৰ দৰে Divide and Rule নীতিৰে, হিন্দু-মুছলমানৰ বিষয় উত্থাপন কৰিবলৈ চেষ্টা কৰিব বুলি কয় ৷ বিজেপি দল অশান্তি আৰু লুণ্ঠনত বিশ্বাস কৰে বুলি সংবাদ মাধ্যমৰ আগত উল্লেখ কৰে ৷ দেশৰ জোৱানসকলৰ ওপৰত হোৱা আক্ৰমণ এক দুৰ্ভাগ্যজনক ঘটনা বুলি অভিহিত কৰে ৰাষ্ট্ৰীয় জনতা দলৰ নেতাগৰাকীয়ে । এই অভিযোগৰ কেন্দ্ৰীয় চৰকাৰে উত্তৰ দিব লাগিব বুলিও দাবী কৰে ৰাষ্ট্ৰীয় জনতা দলৰ নেতা ভাই বীৰেন্দ্ৰই (RJD MLA said Poonch attack similar to Pulwama) ।