হাৰিয়ানা বিজেপি আই টি চেলৰ প্ৰভাৰী অৰুণ যাদৱক অপসাৰণ

হাৰিয়ানা বিজেপিৰ আই টি চেলৰ প্ৰভাৰী অৰুণ যাদৱক বৃহস্পতিবাৰে তেওঁৰ পদৰ পৰা অপসাৰণ কৰা হয় (BJP removes Haryana IT cell chief Arun Yadav) ৷ অৰুণ যাদৱে পয়গম্বৰ হজৰত মহম্মদক লৈ টুইটাৰত কৰা বিতৰ্কিত মন্তব্যৰ পাছত দেশজুৰি প্ৰতিক্ৰিয়াৰ সৃষ্টি হোৱাত তেওঁক দলীয় পদৰ পৰা অপসাৰণ কৰা হয় ৷

নিউজ ডেস্ক, 8 জুলাই : হাৰিয়ানা বিজেপিৰ আই টি চেলৰ প্ৰভাৰী অৰুণ যাদৱক(Haryana BJP IT Cell incharge Arun yadav) বৃহস্পতিবাৰে দলৰ পৰা অপসাৰণ কৰা হয় ৷ বিজেপি নেতাগৰাকীয়ে কৰা বিতৰ্কিত মুছলমান বিৰোধী আৰু ইছলাম বিৰোধী টুইটৰ বাবে তেওঁক গ্ৰেপ্তাৰৰ দাবীৰ উত্থাপন হোৱা দলটোৰ শীৰ্ষ নেতৃত্বই তেওঁক দলৰ পৰা অপসাৰণ কৰে(Arun Yadav Controversial Tweet) ৷ বৃহস্পতিবাৰে #ArrestArunYadav টুইটাৰত ট্ৰেণ্ডত আছিল । এই হেচটেগটোৰ সমৰ্থনত পঞ্চাশ হাজাৰতকৈও অধিক লোকে টুইট কৰে ।

হাৰিয়ানা বিজেপি আইটি চেলৰ প্ৰভাৰী অৰুণ যাদৱক অপসাৰণ

হাৰিয়ানা বিজেপিৰ সভাপতি অ' পি ধনখড়ে তাৎক্ষণিকভাৱে বলবৎ হোৱাকৈ তেওঁক দলৰ পৰা অপসাৰণ কৰে ৷ অৱশ্যে তেওঁ অৰুণ যাদৱক অপসাৰণ কৰা সন্দৰ্ভত কোনো কাৰণ উল্লেখ কৰা নাই ৷ আনহাতে, বিজেপিৰ প্ৰভাৰীগৰাকীয়েও তেওঁক দলৰ পৰা অপসাৰণ কৰাৰ পাছৰে পৰা সংবাদ মাধ্যমৰ পৰা আঁতৰি আছে ৷

অৰুণ যাদৱে তেওঁৰ পোষ্টৰ বাবে যথেষ্ট বিৰোধিতাৰ সন্মুখীন হৈছে । ইয়াৰ পূৰ্বে, বিজেপিয়ে ৰাষ্ট্ৰীয় মুখপাত্ৰ নুপুৰ শৰ্মা আৰু হাৰিয়ানা গোটৰ এজন নেতাৰ বিৰুদ্ধে এই ব্যৱস্থা গ্ৰহণ কৰিছিল । দুয়োকে দলৰ পৰা নিলম্বন কৰা হৈছিল । নুপুৰ শৰ্মাই এটা চেনেলত পয়গম্বৰ মহম্মদক লৈ বিতৰ্কিত মন্তব্য কৰিছিল । শৰ্মাৰ এই মন্তব্যই সমগ্ৰ দেশতে প্ৰতিবাদৰ সৃষ্টি কৰিছিল আৰু কেইবাখনো দেশত তীব্ৰ প্ৰতিক্ৰিয়াৰ সৃষ্টি হৈছিল । বিজেপিয়ে লগে লগে নুপুৰ শৰ্মাক দলৰ পৰা বহিষ্কাৰ কৰিছিল ।

লগতে পঢ়ক :Agnipath Scheme: সংসদীয় পৰামৰ্শদাতা সমিতিক সম্বোধন কৰিব প্ৰতিৰক্ষা মন্ত্ৰী ৰাজনাথ সিঙে