নেশ্য়নেল ডেস্ক, ২৫ ডিচেম্বৰ: শিখছ ফ'ৰ জাষ্টিছৰ প্ৰতিষ্ঠাপক গুৰপতৱন্ত সিং পান্নুৱে মধ্যপ্ৰদেশৰ মুখ্যমন্ত্ৰী শিৱৰাজ সিং চৌহানৰ বিৰুদ্ধে কৰা বিতৰ্কিত মন্তব্য়ৰ পিছতেই সৰৱ হৈছে শ্ৰী সিং সঙ্গত শিখ সমাজৰ লগতে চেহোৰৰ বিজেপি নেতা (BJP leader Jaspal Arora) । উল্লেখ্য় যে এক বিবৃতিত পান্নুৱে যিজনে শিৱৰাজ সিং চৌহানৰ ফালে জোতা দলিয়াইছে তেওঁক ২৫,০০০ ডলাৰ পুৰস্কাৰ দিয়া হ'ব বুলি ঘোষণা কৰিছে ।
চেহোৰৰ বিজেপি নেতা তথা জিলা পঞ্চায়তৰ প্ৰাক্তন সভাপতি জছপাল অৰোৰাই কয় যে যিয়ে সন্ত্ৰাসবাদী পান্নুৰ শিৰচ্ছেদ কৰিব তেওঁক ১০ কোটি টকাৰ পুৰস্কাৰ দিয়া হ'ব (Reward on terrorist Gurbat Singh Pannu )। বিজেপি নেতা জছপাল অৰোৰাই এক বিবৃতিত কয় ,"পান্নুৰ দৰে সন্ত্ৰাসবাদী প্ৰকৃততে শিখ হ'ব নোৱাৰে । এই সন্ত্ৰাসবাদীজনক ধৰাত সহায় কৰক । তেওঁক যিকোনো ঠাইত দেখাৰ লগে লগে আৰক্ষীক অৱগত কৰিব । পান্নু এজন সন্ত্ৰাসবাদী আৰু যিয়ে তেওঁক হত্যা কৰিব মই তেওঁক শিখ সঙ্গতৰ হৈ ১০ কোটি টকা দিম ।"
উল্লেখ্য় যে গুৰপতৱন্ত সিং পান্নু এজন খলিস্তানী সমৰ্থক । শিখছ ফ'ৰ জাষ্টিছৰ প্ৰতিষ্ঠাপক পান্নু আৰু তেওঁৰ সহযোগীসকলৰ বিৰুদ্ধে ইতিমধ্যে পঞ্জাৱ আৰক্ষীয়ে ৰাজদ্ৰোহ আৰু বিচ্ছিন্নতাবাদৰ বাবে গোচৰ ৰুজু কৰিছে (Sikhs for Justice) । গুৰপতৱন্ত সিং পান্নুৰ বিৰুদ্ধে খালিস্তানৰ বিষয়ে প্ৰচাৰ কৰি পাঞ্জাৱীসকলক উচতনি দিয়া আৰু ধৰ্মীয় সম্প্ৰীতি বিঘ্নিত কৰাৰ চেষ্টা কৰাৰ অভিযোগ উত্থাপিত হৈছে (BJP leader announced 10 Crore reward on terrorist Pannu)।