নেশ্যনেল ডেস্ক, 14 ছেপ্টেম্বৰ:2023 ত অনুষ্ঠিত হ’ব লগীয়া কেইবাখনো ৰাজ্যৰ বিধানসভা নিৰ্বাচনক লৈ তৎপৰ কেন্দ্ৰীয় চৰকাৰ ৷নিৰ্বাচনৰ তাৰিখ ঘোষণাৰ পূৰ্বে বিজেপিয়ে প্ৰথমবাৰৰ বাবে ঘোষণা কৰিছে প্ৰাৰ্থী । ভাৰতীয় জনতা পাৰ্টিৰ কেন্দ্ৰীয় নিৰ্বাচন সমিতিৰ বৈঠক বুধবাৰে দিল্লীত সামৰণি পৰে ৷ মধ্যপ্ৰদেশ আৰু ছত্তীশগড়ৰ আগন্তুক বিধানসভা নিৰ্বাচন সন্দৰ্ভত গুৰুত্বপূৰ্ণ সিদ্ধান্ত গ্ৰহণ কৰা হয় । বুধবাৰে সন্ধিয়া অনুষ্ঠিত হোৱা এই উল্লেখযোগ্য বৈঠকত অংশগ্ৰহণ কৰে প্ৰধানমন্ত্ৰী নৰেন্দ্ৰ মোদী, দলৰ সভাপতি জে পি নাড্ডা, গৃহমন্ত্ৰী অমিত শ্বাহ, প্ৰতিৰক্ষা মন্ত্ৰী ৰাজনাথ সিঙকে ধৰি কেন্দ্ৰীয় নিৰ্বাচন সমিতিৰ অন্যান্য সদস্যসকলে ।
বৈঠকত কমিটীয়ে মধ্যপ্ৰদেশৰ বিগত বিধানসভা নিৰ্বাচনত বিজেপিয়ে হেৰুৱাই পেলোৱা সকলো আসন সন্দৰ্ভত আলোচনা কৰে । 37 খন আসনৰ ভিতৰত প্ৰায় 36 খন আসন সন্দৰ্ভত আলোচনা কৰা হৈছিল এই আলোচনাত ৷ এইকেইটা সমষ্টিত বিগত বিধানসভাৰ নিৰ্বাচনত পৰাজয়বৰণ কৰিছিল বিজেপিয়ে ।
এই আলোচনাত মূলতঃ মধ্যপ্ৰদেশৰ 230খন আসনৰ ভিতৰত 2018 চনৰ নিৰ্বাচনত বিজেপিয়ে পৰাস্ত হোৱা 63 টা সমষ্টিৰ ওপৰত গুৰুত্ব আৰোপ কৰা হৈছিল । বৰ্তমান ৰাজ্যখনৰ ১২৮ টা বিধানসভা সমষ্টি আছে বিজেপিৰ হাতত ৷ দলটোৱে হেৰুৱাইছে 102 খন আসন ।
ইয়াৰে বিজেপিয়ে ইতিমধ্যে প্ৰথমখন তালিকাৰ 39 খন আসনৰ বাবে প্ৰাৰ্থী তালিকা ঘোষণা কৰিছিল । বাকী 63 খন আসনৰ ওপৰত কেন্দ্ৰীয় নিৰ্বাচন সমিতিৰ বৈঠকত পুংখানুপুংখভাৱে আলোচনা কৰা হয় ৷ ইয়াৰে প্ৰায় 36-37খন আসনৰ প্ৰাৰ্থী সন্দৰ্ভত একমতত উপনীত হৈছে সমিতি ।