নেশ্যনেলডেস্ক,28 ডিচেম্বৰ: COVID-19 মহামাৰীৰ সময়ত সহায়ৰ প্ৰয়োজন হোৱা হিতাধিকাৰীসকলৰ একাউণ্টলৈ পোনপটীয়াকৈ বিত্তীয় সহায় প্ৰদান কৰাৰ বাবে বিহাৰ চৰকাৰৰ এই বছৰৰ ই-শাসনত অভিনৱ পদক্ষেপৰ বাবে কেন্দ্ৰীয় চৰকাৰে ঘোষণা কৰা ডিজিটেল ইণ্ডিয়া এৱাৰ্ড লাভ কৰিছে বুলি এক আনুষ্ঠানিক বিবৃতিত দেওবাৰে সদৰী কৰে ।
উল্লেখ্য যে, বিহাৰৰ বাহিৰত থকা প্ৰায় 21 লাখৰো অধিক কৰ্মীক "বিহাৰ সহয়াতা" নামৰ এপৰ জৰিয়তে বিত্তীয় সহায় আগবঢ়াইছিল ৷ মুখ্যমন্ত্ৰী সচিবালয়, দুৰ্যোগ ব্যৱস্থাপনা আৰু ৰাষ্ট্ৰীয় তথ্য প্ৰণালী কেন্দ্ৰ (এনআইচি)ক "মহামাৰী শিতান"ৰ ডিজিটেল ইণ্ডিয়া এৱাৰ্ড 2020 যুটীয়ীভাৱে বিজয়ী হিচাপে নিৰ্বাচন কৰা হৈছে ৷ ৰাষ্ট্ৰপতি ৰামনাথ কৱিণ্ডে ৩০ ডিচেম্বৰত নতুন দিল্লীত বিজয়ীসকলক ডিজিটেল ইণ্ডিয়া বঁটা প্ৰদান কৰিব।