নিউজ ডেস্ক, ২৮ জুনঃ সুশান্ত সিং ৰাজপুতৰ অন্তিম ছবি "দিল বেচাৰা"ৰ মুক্তিৰ বাবে এইবাৰ আগবাঢ়ি আহিল বলিউৰ মোহময়ী অভিনেত্ৰী জেকলিন ফাৰ্নাণ্ডেজ । ৰাজকুমাৰ ৰাও, কাৰ্তিক আৰিয়ান তথা শ্ৰদ্ধা কাপুৰৰ পাচত এইবাৰ জেকলিনে প্ৰচাৰ কৰে সুশান্ত সিং ৰাজপুতৰ অন্তিমখন ছবি ।
সুশান্ত সিং ৰাজপুতৰ সৈতে 'ড্ৰাইভ' ছবিখনত একেলগে অভিনয় কৰা জেকলিনে অভিনেতা গৰাকীৰ অন্তিম ছবিখনৰ পোষ্টাৰ ইষ্টাগ্ৰামত শ্বেয়াৰ কৰি লিখে যে, "তেখেতৰ মৃত্যুয়ে সকলো ঠাইতে প্ৰভাৱ পেলাইছে । তেওঁ মোক সদায় শিকাইছিল কেনেদৰে মানুহৰ মাজত থাকিব লাগে । যেতিয়াই মই কিবা এটা খেলিমেলি কৰিছিলো তেতিয়া তেওঁ মোক সেইটো শিকাই দি সহায় কৰিছিল । তেখেতৰ ছবি ছোৱা মোৰ বাবে সম্ভৱপৰ নহয় । কিন্তু তেখেতে ইমান সুন্দৰকৈ স্ক্ৰীনত ভূমুকি মাৰিব যিয়ে মোক কিছু পৰিমাণে হ'লেও শান্তি প্ৰদান কৰিব ।