ডব্লিউ এফ এনৰ সভাপতি, প্ৰফেছৰ উইলিয়াম কেৰ’লে কয়, “২০২০ চনৰ ২২ জুলাইত বিশ্ব মস্তিস্ক দিৱস উপলক্ষে এই কথা ঘোষণা কৰিবলৈ পাই আমি খুবেই উৎসাহিত আৰু আনন্দিত যে এই বছৰ ৱৰ্ল্ড ফেডাৰেশ্বন অৱ নিউৰ’লজীয়ে (ডব্লিউ এফ এন) পাৰ্কিনশ্বনছ ৰোগৰ বিষয়ে সচেতনতা বৃদ্ধিৰ উদ্দেশ্যে “দ্য ইন্টাৰনেশ্বনেল পাৰ্কিনশ্বন এণ্ড মুভমেন্ট ডিজৰ্ডাৰ ছ’চাইটী”ৰ সৈতে লগ হৈ কাম কৰিব ৷ বৰ্তমান বিশ্বত সকলো আয়ুস বৰ্গৰে প্ৰায় ৭ কোটি লোক পাৰ্কিনশ্বনছ ৰোগত আক্ৰান্ত হৈ আছে ৷ কিন্তু পাৰ্কিনশ্বনছ ৰোগত আক্ৰান্ত ৰোগীৰ পৰিয়ালসমূহ বা তেওঁলোকক যত্ন লোৱা লোকসকলৰ কথা যোগ দিলে এই সংখ্যা বহু বেছি হ’ব ৷ কিয়নো এই ৰোগত আক্ৰান্ত ৰোগীৰ পৰিয়ালবৰ্গ তথা তেওঁলোকক যত্ন লোৱা লোকসকল ইয়াৰ প্ৰভাৱৰ দাৰা যথেষ্ট প্ৰভাৱান্বিত ৷
মানৱ শৰীৰৰ অংগ সমূহৰ ভিতৰত মস্তিস্কই হ’ল আটাইতকৈ জটিল অংগ ৷ আমাৰ শৰীৰৰ কাৰ্যকলাপসমূহ সঠিকভাৱে পৰিচালনা কৰিবলৈ ই অজস্ৰ স্নায়ুৰ সৈতে একেলগ হৈ কাম কৰে ৷ প্ৰতি বছৰতে ২২ জুলাই তাৰিখে অন্য অংশীদাৰী সংস্থাসমূহৰ সৈতে যুটীয়াভাৱে ৱৰ্ল্ড ফেডাৰেশ্বন অৱ নিউৰ’লজীয়ে (ডব্লিউ এফ এন) বিশ্ব মস্তিস্ক দিৱস পালন কৰি আহিছে ৷ প্ৰত্যেক বছৰেই তেওঁলোকে কোনো এক নতুন বিষয়ত ধ্যান কেন্দ্ৰিত কৰে আৰু ইয়াৰ বিষয়ে সচেতনতাৰ সৃষ্টি কৰে ৷ ২০১৪ চনৰ ২২ জুলাই তাৰিখটো “বিশ্ব মস্তিস্ক দিৱস” ৰূপে পালন কৰাৰ বাবে ‘জনসচেতনতা আৰু ওকালতি সমিতি’ৰ তৰফৰ পৰা পৰামৰ্শ দিয়া হৈছিল ৷
প্ৰকৃততে পাৰ্কিনশ্বনছ ৰোগ কি ?
“সাধাৰণতে স্নায়ুজনিত ৰোগসমূহৰ ভিতৰত এলজেইমাৰৰ পাচতেই পাৰ্কিনশ্বনছ ৰোগেই হ’ল দ্বিতীয় সৰ্বাধিক হোৱা ৰোগ ৷ পাৰ্কিনশ্বনছ ফাউণ্ডেশ্বনে কয়, “পাৰ্কিনশ্বনছ ৰোগ (পি ডি) হ’ল নিউৰ’ডিজেনেৰেটিভ বিসংগতি ৷ যিয়ে প্ৰধানত মগজুৰ ছাবছ্স্তানছিয়া নাইগ্ৰা নামৰ এক বিষেশ স্থানত ড’পামিন উৎপন্ন (ড’পামিনাৰ্জিক) কৰা নিউৰনবোৰত প্ৰভাৱ পেলায় ৷” এই ৰোগবিধত আক্ৰান্ত হোৱা যিকোনো ব্যক্তিৰ দেহত বছৰৰ পাচত বছৰ ধৰি এই ৰোগৰ লক্ষণসমূহ বিকাশ হ’বলৈ ধৰে বা তেনেকৈয়ে তেওঁৰ জীৱন আগবাঢ়ে ৷ এতিয়ালৈকে এই ৰোগৰ মূল কাৰণ সম্পৰ্কে জানিব পৰা হোৱা নাই ৷ যি নহওক ইয়াৰ লক্ষণসমূহৰ গতি লেহেমীয়া কৰিবলৈ ঔষধ উপলব্ধ আৰু এই ৰোগৰ এক সঠিক প্ৰতিকাৰ আৰু ইয়াৰ চিকিৎসাৰ বাবে গৱেষণা কৰি থকা হৈছে ৷
- বৰ্ধিত আয়ুসৰ ৰাষ্ট্ৰীয় সংস্থাৰ দাৰা বৰ্ণিত পাৰ্কিনশ্বনছ ৰোগৰ কিছু লক্ষণ তলত দিয়া ধৰণৰ -
- হাত, ভৰি, মুখমণ্ডল, বা মূৰৰ কঁপনি (ট্ৰিম’ৰ)
- অংগ তথা শৰীৰৰ সঞ্চালনত দেখা দিয়া জঠৰতা
- চলন ফুৰণত হোৱা অলসতা
- শৰীৰৰ সন্তোলনহীনতা তথা সমন্বয়হীনতাৰ বাবে কোনোমুহূৰ্তত ধলি পৰা
- আন আন লক্ষণসমূহত অন্তৰ্ভুক্ত কৰিব পাৰি,
- অৱসাদ
- খাদ্য সেৱন কৰোঁতে বা চোবাওতে হোৱা কঠিনতা
- কথা কওঁতে হোৱা অসুবিধা
- প্ৰস্ৰাৱত হোৱা সমস্যা আৰু কৌষ্ঠকাঠিন্যতা
- চালৰ সমস্যা
- টোপনিৰ খেলিমেলি
আনকি ৰোগবিধ বাঢ়ি যোৱাৰ লগে লগে ব্যক্তিজন সন্মুখলৈ ক্ৰমান্বয়ে হালি যাবও পাৰে বা হাত আৰু ভৰিৰ সঞ্চালনত জঠৰতাও আহি পৰিব পাৰে ৷
সাধাৰণতে পাৰ্কিনশ্বনছ ৰোগ বয়সীয়াল লোকসকলৰ ক্ষেত্ৰত বেছিকৈ হোৱা দেখা যায় আৰু ইয়াৰ দাৰা মহিলাসলকতকৈ পুৰুষসকলহে সৰ্বাধিক আক্ৰান্ত হয় ৷ পুৰুষসকলৰ ক্ষেত্ৰতহে ই অধিক কিয়, সেই বিষয়ে গৱেষণা কৰি থকা হৈছে ৷