নেশ্যনেল ডেস্ক, ২১ মে': মানৱীয়তাৰ উৎকৃষ্ট নিদৰ্শন দাঙি ধৰিলে অন্ধ্ৰ প্ৰদেশৰ এগৰাকী IPS বিষয়াই । অনাহাৰে থকা প্ৰবাসী শ্ৰমিকৰ এটা ফোন কলৰ পিচতে মাজৰাতি উঠি খাদ্য ৰান্ধি বিতৰণ কৰিলে তেওঁলোকৰ মাজত ।
দিনটোৰ ব্য়স্ততাপূৰ্ণ কৰ্তব্য সম্পাদন কৰি, ঘৰলৈ উভতি অহাৰ পিচত জিৰণি লৈ থকা সময়তে বি. ৰাজা কুমাৰী নামৰ বিষয়া গৰাকীয়ে ফোন কলটো লাভ কৰে ।
কোনো কোনো লোকে সেই শ্ৰমিক সকলক পাউৰুটি প্ৰদান কৰিছিল যদিও, সেইয়াই তেওঁলোকৰ বাবে পৰ্যাপ্ত নহয় বুলি ভাবি নিজেই খাদ্য ৰান্ধি শ্ৰমিক সকলৰ মাজত যোগান ধৰে বিষয়া গৰাকীয়ে ।
ভিজিনগৰমৰ নিবাসী মমতাৰ স্বামী আৰু আৰু কেইগৰাকীমান লোকে নেল্লোৰৰ পৰা প্ৰায় ৭০০ কি.মি নিলগলৈ খোজকাঢ়ি যায়, য'ত তেওঁলোকে নিৰ্মাণ শ্ৰমিক হিচাপে কৰ্তব্যৰত আছিল ।
COVID-19ৰ বাবে জাৰি কৰা লক ডাউনৰ ফলত তেওঁলোকে কাম এৰি হতাশাৰে খোজকাঢ়িয়েই যাত্ৰা আৰম্ভ কৰিছিল । মঙলবাৰে খাদ্য নোখোৱাৰ ফলত তেওঁলোক দুৰ্বল আৰু ভাগৰুৱা হৈ পৰিছিল ।
মমতা নামৰ মহিলাগৰাকীয়ে বিষয়াগৰাকীক ফোন কৰি জনাই যে, তেওঁলোকক চহৰৰ পৰা প্ৰায় ২৫ কি.মি নিলগত এটা চেক পোষ্টত ৰখাই থোৱা হৈছে আৰু তেওঁলোক সকলো ভোকে পিয়াহে চটফটাই আছে । যেতিয়া বিষয়া গৰাকীয়ে মাজৰাতি 1.30 বজাত খাদ্য ৰান্ধি সেই স্থনালৈ লৈ যায়, তেতিয়ালৈ তেওঁলোকক কোৱাৰেণ্টাইন কেন্দ্ৰলৈ লৈ যোৱা হৈছিল ।
নিৰ্বিঘ্নে ৰাজা কুমাৰীয়ে চৰকাৰৰ দ্বাৰা স্থাৰপিত সেই কোৱাৰেণ্টাইল শিবিৰলৈ গৈ তেওঁলোকক খাদ্য প্ৰদান কৰে ।