নিউজ ডেস্ক, 4 এপ্ৰিলঃ "আমি এক যুদ্ধৰ মাজত আছো । এক অদৃশ্য শত্ৰুৰ বিৰুদ্ধে এই যুদ্ধ । দৃশ্যমান শত্ৰুৰ লগত যুঁজিবলৈহে অস্ত্ৰ পৰ্যাপ্ত । কিন্তু ভাইৰাচ চকুৰে দেখা নাপাও । ৰক্ষা অনুসন্ধান আৰু বিকাশ কেন্দ্ৰই শত্ৰুৰ লগত যুঁজিবলৈ প্ৰযুক্তিৰ সৈতে নিজকৈ তৈয়াৰ কৰিছে ।" - ডিআৰডিঅ' অধ্যক্ষ তথা ৰক্ষা মন্ত্ৰালয়ৰ উপদেষ্টা ডঃ জি সতীচ ৰেড্ডীয়ে এইদৰে প্ৰকাশ কৰে ।
ইটিভি ভাৰতৰ সৈতে হোৱা আছুতীয়া সাক্ষাৎকাৰত কোভিড-19 ৰ সৈতে যুঁজিবলৈ ডিআৰডিঅ'ই গ্ৰহণ কৰা ৰণনীতি সম্পৰ্কে অৱগত কৰে।
ভাইৰাচ চিনাক্তৰ ক্ষেত্ৰত ডিআৰডিঅৰ ভূমিকা কি বুলি সোধাত তেওঁ কয় যে, ভাইৰাচ অদৃশ্য শত্ৰু । আমি এই ক্ষেত্ৰত গুৰুত্বপূৰ্ণ ভূমিকা পালন কৰিছো । শীঘ্ৰেই বহু সজুলি অহাৰ পথত আছে । আনহাতে আন কিছু নিৰ্মাণ স্তৰত আছে ।
মাস্ক আৰু চেনিটাইজাৰ প্ৰসংগত তেওঁ কয় যে, চেনিটাইজাৰ চাহিদা পূৰাব পৰাকৈ প্ৰস্তুত কৰা হৈছে । টেলেংগনা চৰকাৰক ইতিমধ্যে দিয়া হৈছেই । আৰু ভেন্টেলেটৰ পৰিমান বঢ়াবলৈ নমুনা তৈয়াৰ কৰি প্ৰেৰণ কৰা হৈছে । উদ্যোগ সমূহে প্ৰস্তুত কৰিলেই সেইয়া উপলব্ধ হ'ব । প্ৰতি সপ্তাহে প্ৰায় 30000 ভেন্টেলেটৰ নিৰ্মাণ কৰা হৈ আছে, যাৰ মূল্য প্ৰতিটো গোটত চাৰিলাখ টকা ।
আনহাতে চিকিৎসা বিজ্ঞানৰ সৈতে মিলি স্বাস্থ্য ৰক্ষাৰ সামগ্ৰী নিৰ্মানটো ডিআৰডিঅ'ই মনোনিবেশ কৰা বুলি জনাই ।