ছত্তীশগড়ৰ ৰাজনন্দাৰ কোৱাৰেণ্টাইন কেন্দ্ৰত শ্ৰমিকক মাৰপিট, ভাইৰেল ভিডিঅ'

ছত্তীশগড়ৰ ৰাজনন্দাৰ কোৱাৰেণ্টাইন কেন্দ্ৰত শ্ৰমিকক মাৰপিটত কৰা ভিডিঅ' ভাইৰেল । কোৱাৰেণ্টাইন কেন্দ্ৰত শ্ৰমিকজনে নিচাশক্ত হৈ প্ৰৱেশ কৰা বাবেই এই কাণ্ড সংঘটিত হয় বুলি স্পষ্টীকৰণ দিয়ে কোৱাৰেনটাইনৰ কেন্দ্ৰৰ মুখ্য বিষয়াই ।

নিউজ ডেস্ক, ১৪ জুনঃ ছত্তীশগড়ৰ ৰাজনন্দাৰ পেন্দ্ৰী গাঁৱৰ কোৱাৰেণ্টাইন কেন্দ্ৰত এজন শ্ৰমিকক মাৰপিট কৰা ভিডিঅ' ভাইৰেল হৈছে ছ'চিয়েল মিডিয়াত । ভিডিঅ' টো ভাইৰেল হোৱাৰ পাচতে শনিবাৰে ঘটনা সন্দৰ্ভত স্পষ্টীকৰণ দিয়ে কেন্দ্ৰটোৰ মুখ্য চিকিৎসা তথা স্বাস্থ্য বিভাগৰ বিষয়ববীয়া মিথিলেছ চৌধৰীয়ে । শ্ৰমিকজন নিচাশক্ত অৱস্থাত থকাৰ বাবেই সমগ্ৰ ঘটনা সংঘটিত হৈছে বুলি সদৰি কৰে বিষয়া গৰাকীয়ে ।

মিথিলেছ চৌধৰীৰ মন্তব্য অনুসৰি, কোৱাৰেণ্টাইন হৈ থকা শ্ৰমিকজন দুই ঘণ্টা ধৰি কোৱাৰেণ্টাইন কেন্দ্ৰত উপস্থিত নাছিল । লগতে কোৱাৰেণ্টাইন কেন্দ্ৰলৈ উভতি অহা সময়ত নিচাশক্ত আছিল শ্ৰমিকজন । এই ঘটনাৰ পাচতেই শ্ৰমিকজনে স্বাস্থ্য কৰ্মী সকলক কোৱাৰেণ্টাইন কেন্দ্ৰৰ পৰা বাহিৰ কৰি দিবলৈ চেষ্টা কৰি পৰিৱেশ অশান্ত কৰি তুলে ।