নিউজ ডেস্ক, 30 ডিচেম্বৰ : কৰ্ণাটকৰ বিভিন্ন স্থানত স্থানীয় নিকায় নিৰ্বাচনৰ ভোট গণনা আৰম্ভ হৈছে ৷ তাৰ ভিতৰত শিৱামোগা আৰু দাভানাৰাজ অঞ্চলো অন্তভুৰ্ক্ত আছে ৷ যি কেইটা অঞ্চলৰ বাবে নিৰ্বাচন দেওবাৰে সম্পূৰ্ণ হৈছিল ৷
কৰ্ণাটকৰ স্থানীয় নিকায় নিৰ্বাচনত তিনিটা দলে প্ৰতিদ্বন্দিতা আগবঢ়াইছে ৷ প্ৰতিদ্বন্দিতা আগবঢ়োৱা দল কেইটা হ'ল ভাৰতীয় জনতা পাৰ্টী, কংগ্ৰেছ আৰু জনতা দল ৷ উল্লেখ্য যে, 5,728 টা গাঁও পঞ্চায়তৰ বাবে 82,616 খন আসনৰ বাবে ভোটগ্ৰহণ সম্পূৰ্ণ হৈছিল ৷
দুটা পৰ্যায়ত অনুষ্ঠিত হোৱা নিৰ্বাচনত প্ৰথম পৰ্যায়ত 43,238 খন আসনৰ বাবে নিৰ্বাচন অনুষ্ঠিত হৈছিল আৰু দ্বিতীয় পৰ্যায়ৰ নিৰ্বাচনত 39,378 খন আসনৰ বাবে নিৰ্বাচন অনুষ্ঠিত হৈছিল ৷ ইতিমধ্যে, ৰাজ্যখনত 8,074 খন আসনৰ প্ৰাৰ্থীয়ে বিনা প্ৰতিদ্বন্দিতাই জয়ী হ'বলৈ সক্ষম হৈছে ৷
আনহাতে, ৰাজ্যখনৰ 242 টা পঞ্চায়তত প্ৰতিনিধিৰ কাৰ্যকাল সমাপ্ত নোহোৱাৰ বাবে আৰু আদালতৰ বিশেষ বিধিৰ বাবে নিৰ্বাচন অনুষ্ঠিত হোৱা নাই ৷ নিৰ্বাচন আয়োগৰ তথ্য অনুসৰি, প্ৰায় 2.94 লাখ লোকে ভোটদান কৰিছে নিৰ্বাচনত ৷
লগতে পঢ়ক :কম্বডিয়াৰ বানপানীত আক্ৰান্ত লোকলৈ মিছন সাগৰ-3 অভিযান
