হাথৰস কাণ্ডৰ দোষীক শাস্তি প্ৰদানৰ দাবীৰে মহিলাৰ আমৰণ অনশন

বাঘপাট জিলাৰ নিৰপুড়া গাঁৱৰ প্ৰধান মুনেশ দেৱীয়ে উত্তৰ প্ৰদেশৰ হাথৰস কাণ্ডৰ দোষীত উচিত শাস্তি প্ৰদানৰ দাবীৰে শনিবাৰে পুৱাৰ পৰা আমৰণ অনশন কৰে ৷ দোষীয়ে শাস্তি নোপোৱা পৰ্যন্ত তেওঁৰ অনশন অব্যাহত থাকিব বুলি তেওঁ উল্লেখ কৰে ৷

নেশ্যনেল ডেস্ক, 4 অক্টোবৰ : উত্তৰ প্ৰদেশৰ হাথৰসত এগৰাকী যুৱতীক গণধৰ্ষণ কৰাৰ লগতে যুৱতীগৰাকীৰ মৃতদেহ বলপূৰ্বকভাৱে দাহ কৰাৰ বাবে উত্তৰ প্ৰদেশ চৰকাৰৰ বিৰুদ্ধে সম্প্ৰতি সৰৱ হৈ পৰিছে বহু লোক ৷

বাঘপাট জিলাৰ নিৰপুড়া গাঁৱৰ প্ৰধান গৰাকীয়ে এই ঘটনাৰ লগত জড়িত দোষীক কঠোৰ শাস্তি প্ৰদানৰ উদ্দেশ্য আমৰণ অনশন কৰাৰ সিদ্ধান্ত গ্ৰহণ কৰিছে ৷ যেতিয়ালৈ দোষীয়ে শাস্তি লাভ নকৰে তেতিয়ালৈ তেওঁ সেই অনশন অব্যাহত ৰাখিব বুলি সংবাদ মাধ্যমযোগে উল্লেখ কৰে ৷

শনিবাৰে পুৱাৰ পৰা গাঁওখনৰ প্ৰধান মুনেশ দেৱীয়ে আমৰণ অনশন কাৰ্যসূচী আৰম্ভ কৰে ৷ হাথৰস কাণ্ডক তীব্ৰ গৰিহণা প্ৰদান কৰি তেওঁ উত্তৰ প্ৰদেশৰ মুখ্যমন্ত্ৰী যোগী আদিত্যনাথলৈ দোষীক উচিত শাস্তি প্ৰদানৰ দাবীৰে এখন পত্ৰও প্ৰেৰণ কৰে ৷

গাঁও প্ৰধান গৰাকীয়ে উল্লেক কৰে যে, "এনে ধৰণৰ ঘটনাই আমাৰ দেশত নাৰী কিমান অসুৰক্ষিত তাকেই দৰ্শায় ৷ অভিযুক্তক শীঘ্ৰে গ্ৰেপ্তাৰৰ দাবীৰে মই মুখ্যমন্ত্ৰীক পত্ৰ প্ৰেৰণ কৰিছো ৷"

শনিবাৰে বাওঁপন্থী দল আৰু কংগ্ৰেছৰ নেতাসকলে হাথৰাসৰ গণধৰ্ষণৰ বিৰুদ্ধে কলকাতাত প্ৰতিবাদ সাব্যস্ত কৰিছিল ৷ যিয়ে দেশব্যাপী ক্ষোভৰ জুই একুৰাৰ উন্মেষ ঘটাইছিল ৷

দোষীক কঠোৰ শাস্তি প্ৰদানৰ দাবীৰে পত্ৰ প্ৰেৰণ উত্তৰ প্ৰদেশৰ মুখ্যমন্ত্ৰীলৈ

41 ছেপ্তেম্বৰত এগৰাকী 19 বছৰীয়া দলিত যুৱতীক হাথৰসৰ এখন গাঁৱত 4 জন লোকে ধৰ্ষণ কৰিছিল ৷ ভুক্তভোগী গৰাকীৰ অৱস্থাই জটিল ৰূপ ধাৰণ কৰাত তেওঁক দিল্লীৰ সফদৰজং চিকিৎসালয়ত ভৰ্তি কৰোৱা হৈছিল, য'ত তেওঁ মঙলবাৰে শেষ নিশ্বাস ত্যাগ কৰে ৷

বুধবাৰে যুৱতীগৰাকীৰ শেষকৃত্য সম্পন্ন কৰা হৈছিল ৷ ভুক্তভোগীৰ পৰিয়ালবৰ্গই অভিযোগ কৰা অনুসৰি, স্থানীয় আৰক্ষীয়ে তেওঁলোকক নিশাই যুৱতীগৰাকীৰ শেষকৃত্য সম্পন্ন কৰাৰ বাবে বাধ্য কৰাইছিল ৷

লগতে পঢ়ক:উত্তৰ প্ৰদেশ আৰু বিহাৰত সংঘটিত ধৰ্ষণৰ ঘটনা