দেশবাসীলৈ বৈশাখী, বিষু আৰু বহাগ বিহুৰ শুভেচ্ছা উপ-ৰাষ্ট্ৰপতি, প্ৰধানমন্ত্ৰীৰ

দেশবাসীলৈ নৱবৰ্ষৰ শুভেচ্ছা জ্ঞাপন উপ-ৰাষ্ট্ৰপতি আৰু প্ৰধানমন্ত্ৰীৰ ৷

নেশ্যনেল ডেস্ক, 13 এপ্ৰিল : উপ-ৰাষ্ট্ৰপতি এম. ভেংকায়া নাইডু আৰু প্ৰধানমন্ত্ৰী নৰেন্দ্ৰ মোডীয়ে সোমবাৰে দেশবাসীলৈ বৈশাখী, বিষু,পুথান্দু, মাছাডী, বৈশখাডী আৰু বহাগ বিহুৰ শুভেচ্ছা জ্ঞাপন কৰে ৷ তেওঁলোকে কয় যে, দেশৰ এই সংকটৰ সময়ছোৱাত এনেধৰণৰ উৎসৱে সকলোৰে মন আৰু শৰীৰ উজ্জীৱিত কৰাৰ লগতে পথ প্ৰদৰ্শন কৰিব ৷

উল্লেখ্য় যে, খেতিৰ সৈতে জড়িত এই উৎসৱসমূহ বিশেষকৈ সোমবাৰ আৰু মঙলবাৰে পালন কৰা হয় ৷

তেওঁৰ বাৰ্তাত নাইডুয়ে কয়, "দেশৰ এই সংকটৰ সময়ছোৱাত এনেধৰণৰ উৎসৱে সকলোৰে মন আৰু শৰীৰ উজ্জীৱিত কৰাৰ লগতে পথ প্ৰদৰ্শন কৰে ৷"

আনহাতে, বহুকেইটা টুইটৰ জৰিয়তে প্ৰধানমন্ত্ৰী মোডীয়ে ওড়িয়া নৱবৰ্ষ আৰু মহা বিশুৱা পানা সংক্ৰান্তিৰ শুভেচ্ছা জ্ঞাপন কৰে ৷

আনহাতে, বৈশাখী সম্পৰ্কত মোডীয়ে কয় যে, নতুন আশাৰ সঞ্চাৰ কৰা উৎসৱৰ জৰিয়তে সকলোৰে জীৱনলৈ নতুন শক্তি আৰু নতুন উৎসাহ প্ৰৱাহিত হওঁক ৷